KHÜNBOLUNGKHÜN 6:4 - AMÜSÜH HÜM CL Bible (BSI)

⁴ I tsübe, nü a Jirusalem nangde, Tirza kiuto nangde jak tsülah, bonungrünü riphin shuhkhi nangde atrebe lah.

KHÜNBOLUNGKHÜN 6:4 Iomraidhean Croise

1 KIULONG THSÜRÜ 14:17

Judüki Jeroboam niubenü asürübahle tsoabah, tüsho alibenü Tirza lim arü. Alibe thüyam ripit ki arüchoki, azübuh ju sheabah.

1 KIULONG THSÜRÜ 15:21

Küyimki Baashanü ju sokhea, api Rama chipi thsükhi chingnü tuklo tüsho Tirza ching la.

1 KIULONG THSÜRÜ 15:33

Juda kiulongthsüpuh kam mahsampü ching, Ahija tsührü Baashanü Tirza ching Israel alala kurungkheak kiulongthsüpü tankih; apinü kam mukukheak phüyi kiulongthsü.

MUNGSHIKHÜN 48:2

Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

MUNGSHIKHÜN 48:3

Kiuto chipibo khüp kurampung lah de Thrünpuhnü huhchoh.

MUNGSHIKHÜN 50:2

Thülünde akhamkhi Zion chingnü, Thrünpuhnü tah-a arüshihchoh.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

KHÜNBOLUNGKHÜN 1:5

I a müraklah tüshe jak tsülah, O Jirusalem tsührübebo, Kedar khimyambo nangde, Solomon yo zhindokhim nangde.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

KHÜNBOLUNGKHÜN 4:7

Nü a lüpdükhi jak tsülah, I tsübe; nü kheak areak kihkhi müla.

KHÜNBOLUNGKHÜN 5:2

I yapdo, tüshe I mulong arhang lakheah. Aniang! I tsübuhnü thrungchoh. “ I ki khimshuhjang, I tsübe, inü muzhobe, I yo müthrithrümpü, khiukdahbe; tümüde ayinkenü I ku chimkhita lah, azhing ching atsamkhinü I kuyü japjaplah.”

KHÜNBOLUNGKHÜN 6:10

“Yapsu kheah-a yüshihkhi, khinu atsü, ani nangde ayinkhi, bonungrünü riphin shuhbah alakhi atrebe nangde la ha shepü a?”

TÜZHOKHI 2:15

Limro tsahhorü alalanü nü kheak arü khahbo damchoh; arünü Jirusalem tsührübe kheak ish thsüchoh tüsho ku lukchoh; “ Khiukdahde akhamkhi de ajikhi kiuto alomi alala asühbe thsü ha a de?”

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;