KHÜNBOLUNGKHÜN 6:2 - AMÜSÜH HÜM CL Bible (BSI)

² I tsübuh api wündo ching, rhümthüneabe ching, api mihnu boto yimkippü, tüsho thrilung sangbünbo zükmukhungpü yükido.

KHÜNBOLUNGKHÜN 6:2 Iomraidhean Croise

KHÜNBOLUNGKHÜN 2:16

I tsübuh ju I yo tüsho I api yo; apinü api mihnu boto thrilung sangbün bolung yimkipchoh,

KHÜNBOLUNGKHÜN 4:12

Arihkhi wündo, kenü rihdokhi, ke-bukpung yihdokhi ju I tsübe, I yamkhünbe ah.

KHÜNBOLUNGKHÜN 4:16

Asürang, O dukulim apung! tüsho arang, O düjinglim apung! I wündo kheak yünang, junangde arhümthüneakhi yünmüzütbah. I tsübuh api wündo ching arüshang, tüsho amokhitkhi sangasobo tsühshang.

KHÜNBOLUNGKHÜN 4:5

Nü niuh mahne ju shihmüchi nunu mahne nangde, rimsung nunu mahne thrilung sangbün bolung niuh duhkhi nangde lah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 5:13

Api ngobo ju thüneathürabe shahwünbo nangde, arhüm thüneade akhiukchoh. Api münküpbo thrilung sangbünbo, jinjinlak ke tsangkhitkhi nangde lah.

KHÜNBOLUNGKHÜN 6:11

Inü almond sangaso yi ching, jindükhün ching pungkhibo kheahpü, kurungasobo duduhkhi tüsho tsarümkiu pungkhi kheahpü yükido.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 57:1

Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh,

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”