KHÜNBOLUNGKHÜN 6:11 - AMÜSÜH HÜM CL Bible (BSI)

¹¹ Inü almond sangaso yi ching, jindükhün ching pungkhibo kheahpü, kurungasobo duduhkhi tüsho tsarümkiu pungkhi kheahpü yükido.

KHÜNBOLUNGKHÜN 6:11 Iomraidhean Croise

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

THRÜNTAN 40:10

tüsho kurungasoliu ching adübeak mahsam lakheah; ju duduhde arübah abün pung, tüsho kurungaso akeangthrünbo thsübah mün.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 6:12

I mülümrhangyide, lolungbe-berü thirithsüpü lakhi nangde nünü I muzhoachihpü künde kamshih.

KHÜNBOLUNGKHÜN 6:2

I tsübuh api wündo ching, rhümthüneabe ching, api mihnu boto yimkippü, tüsho thrilung sangbünbo zükmukhungpü yükido.

KHÜNBOLUNGKHÜN 7:12

Ike yapsu mükikde kurungasolubo ching yüanü, tüsho kurungasobo duduhkhi, kurungasobo pungkhi tüsho tsarümkiu pungkhi kheahanü. Ju ching inü I muzho nü kilim jihbah.

KHÜNBOLUNGKHÜN 7:13

Mandrak wophüyakbonü arhüm thüneashihchoh, tüsho ike khimdopübo ki amokhitkhi sangasobo, aso le awün chido lah, küpü inü nü thsungkheak zojihkhea, O I tsübuh.

MARK 11:13

Tüsho limshunü khubasodung ayü kihde ngübah aso kihnahnü de akheahpü yü. Küyimki api ju ki arükhea, ayübo kheak hode apinü tümü müngü, tümüde ju khubaso asopü kim yungde alakheah.

LUKNÜ ATHRÜTKHI THIYUSHEAK-ATSÜ HUHTANYU 13:7

Judüki apinü kurungasolu neakbuh ki tha, ‘Kheahang, kam mahsam inü ha khubasodung kheak sangaso kheahde arüdo tüshe müngü. Ju kiushakang; tümüde hanü alo kungabahshihchoh?’

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

YUNIRÜBO RHIMO 15:36

Tüsho nimung anükhüh dunglim Paulnü Barnaba ki tha, “Arang, ikenü Atungpuh yu zhiyukpung kiuto aban ching keoniorübo küde lanü rhua kheahanü.”