KHÜNBOLUNGKHÜN 6:1 - AMÜSÜH HÜM CL Bible (BSI)

¹ Nü tsübuh külim yüde, O aliberü bolung atsüdakbe? Isanü nü lung api yimpü thsüde nü tsübuh küpü limro ching tsode?

KHÜNBOLUNGKHÜN 6:1 Iomraidhean Croise

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

KHÜNBOLUNGKHÜN 1:8

Nünü mümükheahsho, O aliberü bolung atsübe, mihnu boto ru yanang, tüsho mihnu neakrü khimyambo rheang ki nü mihnu nunubo yimkipang.

KHÜNBOLUNGKHÜN 2:2

Ayang bolung thrilung sangbün khülang nangde, I tsübe anünürü bolung lah.

KHÜNBOLUNGKHÜN 5:6

Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

KHÜNBOLUNGKHÜN 5:9

O aliberübo lung atsüdakbe, nü tsübuh ju püpürü müyamrü kheaknü tümü büthsü la? Nünü isa ki thapü thsüde nü tsübuh ju püpürü müyamrü kheaknü tümü büthsü la?

KHÜNBOLUNGKHÜN 6:4

I tsübe, nü a Jirusalem nangde, Tirza kiuto nangde jak tsülah, bonungrünü riphin shuhkhi nangde atrebe lah.

ISAIA 2:5

O Jakob yamkhün, arang, isanü Atungpuh ayin ching tsahanü!

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”