KHÜNBOLUNGKHÜN 5:6 - AMÜSÜH HÜM CL Bible (BSI)

⁶ Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

KHÜNBOLUNGKHÜN 5:6 Iomraidhean Croise

THRÜNTAN 42:28

jumonü apinü akeoniorübo ki tha, “I sho jihloa lah tüsho ju I shungliu-qiuqiu ching zah-a lah!” Judüki arü mulong müyinkhi tüsho trede kam, tüsho khülangnü khülang ki thaachih, “Thrünpuhnü isa ki ha rhimokhi tümü a?”

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

MUNGSHIKHÜN 28:1

O Atungpuh , I tsungdorü, inü nü ki jichoh; inü ajikhi anijang, nünü I ki malojihsho Ashe-lomi ching yüzahrü bolung I labah.

MUNGSHIKHÜN 30:7

O Atungpuh , nü tsükhinü I awung adüküng nangde kamshih; tüshe nü miro I kheaknü ajikchoki I trede alakheah.

MUNGSHIKHÜN 69:3

I atripkhinü khia lah; I wak kunga lah. I Thrünpuh aleangkhinü I mük tsünshelakdo lah.

MUNGSHIKHÜN 77:3

Inü Thrünpuh lümkhit, tüsho küpkhukde alakheah; inü atsanglo, tüsho I me shekhia lakheah.

MUNGSHIKHÜN 80:4

O Atungpuh Wuto Thrünpuh, nü mihtsürü tamkhüntamnü azhihde külokhüh nü bukakhiukba?

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

KHÜNBOLUNGKHÜN 5:2

I yapdo, tüshe I mulong arhang lakheah. Aniang! I tsübuhnü thrungchoh. “ I ki khimshuhjang, I tsübe, inü muzhobe, I yo müthrithrümpü, khiukdahbe; tümüde ayinkenü I ku chimkhita lah, azhing ching atsamkhinü I kuyü japjaplah.”

KHÜNBOLUNGKHÜN 5:4

I tsübuhnü khimdopü rihbe ching akhah chungyuk, tüsho I mulongnü api künsahde kam.

KHÜNBOLUNGKHÜN 6:1

Nü tsübuh külim yüde, O aliberü bolung atsüdakbe? Isanü nü lung api yimpü thsüde nü tsübuh küpü limro ching tsode?

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

TÜZHOKHI 3:8

Inü arung thsungkheak jiji she tüsho zhizhi she, apinü I tamkhüntamnü musojih;

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

MATHI 26:75

Tüsho Jisunü api ki thakhi yu Peternü lümkhit, “Thunu mukhungyide nünü mahsam ki I malokhide alabah.”

MARK 14:72

Mahne kipü thununü khung. Tüsho Jisunü api ki thakhi yu lümkhit, “Thununü mahne ki mukhungyide nünü I mahsam ki malokhide alabah.” Tüsho küyimki ha dünkheak lümkhea, apinü trip.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.