KHÜNBOLUNGKHÜN 5:2 - AMÜSÜH HÜM CL Bible (BSI)

² I yapdo, tüshe I mulong arhang lakheah. Aniang! I tsübuhnü thrungchoh. “ I ki khimshuhjang, I tsübe, inü muzhobe, I yo müthrithrümpü, khiukdahbe; tümüde ayinkenü I ku chimkhita lah, azhing ching atsamkhinü I kuyü japjaplah.”

KHÜNBOLUNGKHÜN 5:2 Iomraidhean Croise

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 81:10

I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

KHÜNBOLUNGKHÜN 1:16

Nü küdükhüh akhamla, I tsübuh, atsütsünü tsülah. Ike yapkiu aphüyak lah;

KHÜNBOLUNGKHÜN 2:10

I tsübuhnü I ki asukchoh tüsho thachoh. “Asürang, inü amuzhobe, I tsübe, tüsho arüabahang;

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

KHÜNBOLUNGKHÜN 2:8

I tsübuh düsheak sochoh! Kheahang, api awungbo kheak jukde, awung mujukbo alihhode arüchoh.

KHÜNBOLUNGKHÜN 3:1

Azhing ching I yapkiu kheak shepü I menü muzhochonü inü api yimdo; inü api yimdo, tüshe api müngü.

KHÜNBOLUNGKHÜN 4:7

Nü a lüpdükhi jak tsülah, I tsübe; nü kheak areak kihkhi müla.

KHÜNBOLUNGKHÜN 4:9

Nünü nü yo suna lak khülangnü I mulong ahühdo, I tsübe, I yamkhünbe, Nü müknü rheaka kheahkhi ching nünü I mulong ahühdo.

KHÜNBOLUNGKHÜN 5:11

Api ku ju suna müthsün; api kuyü duphungbo zhokhilah, khüyak nangde müraklah.

KHÜNBOLUNGKHÜN 5:6

Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

KHÜNBOLUNGKHÜN 6:9

I yo müthrithrümpü, khiukdahkhi ju khülang lang lah, abenü amuzhodakkhi, anihbe zübebe kheaknü müchamachih. Anünürübonü alibe ngüchoh tüsho müngühmühi de jichoh; kiulongthsüberü tüsho hanniuberübonü alibe shijihchoh.

KHÜNBOLUNGKHÜN 7:9

tüsho nü mün müthsüpkhi yukhu atsüdak nangde thsang. Yukhu ju I tsübuh kilim langde, münküp tüsho hü kheak bukde yükishang.

KHÜNBOLUNGKHÜN 8:7

Ke ahihdonü amuzho kethürimürikhuk, düchibonü ju zünde mutsokhuk. Khürünü nihbuh yam lakhit amuzho thsungkheak jihkhülaa, api shahde mükheyukde alabah.

ISAIA 50:6

Inü I shikrü kilim I düthsün jih, tüsho mükhühnam rukrü kilim I ngobo jih; inü mükhemükim tüsho mükeke mukhiukkhi chingnü I miro müjik.

ISAIA 52:14

Mihtsürü ahihdonü api ngübah niuknim; api jakphü ju mihtsürü kheaknü büthsüde tüsho trungdung ju mihtsürü kihode alakheah.

DANIEL 8:18

Apinü I ki asukde lachoki, I miro alo lim abinbah yapshea lakheah; jushu apinü I qiu tüsho I langde zhipshih.

ZEKARIA 4:1

I ki asukachihbuh yunirünü kheaküshe arü, tüsho khürü ayapkhi chingnü yihmusukhi nangde I yihmusu.

MATHI 7:8

Tümüde akheangrü abannü leangkhichoh, ayimrünü ngüchoh, tüsho adamrü kilim khimshuhjihchoh.

MATHI 8:17

junangde Isaia wukihrünü athakhi dünjipü lakheah: “Apinü isa thsünübo lu tüsho isa tukthsübo han.”

MARK 1:35

Yapsu khide mükikde, mitingde alachoki Jisunü asürübah thüyam chingnü chamachih tüsho azhikpung khülang ching yüzahbah tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

LUKNÜ ATHRÜTKHI THIYUSHEAK-ATSÜ HUHTANYU 6:12

Ju kim ching apinü tamkhüntamnüpü awung ching yü; tüsho tsüngreroro apinü mutuklode Thrünpuh ki tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 9:32

Tüshe Peter tüsho api lung berübo yapshea lakheah; tüsho küyimki arü tsüde müsükhea, arünü api müretahkhi tüsho api lung zhipkhi mihtsürü mahne ngü.

JOHAN 10:4

Tüsho küyimki apinü namfimihnubo bekhitbanü, apinü arü müngüh yüchoh; tüsho namfimihnubonü api yanchoh, tümüde arünü api düsheak mükheahlah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.