KHÜNBOLUNGKHÜN 4:9 - AMÜSÜH HÜM CL Bible (BSI)

⁹ Nünü nü yo suna lak khülangnü I mulong ahühdo, I tsübe, I yamkhünbe, Nü müknü rheaka kheahkhi ching nünü I mulong ahühdo.

KHÜNBOLUNGKHÜN 4:9 Iomraidhean Croise

THRÜNTAN 20:12

Tüshe atsütsü anihbe I niurü ah. Alibe I buh tsührü ah, tüshe I be tsührü yung; tüsho anihbe I niube kamkheah.

THRÜNTAN 41:42

Pharaonü api yingkhing chingnü yingkhüm yihkhit tüsho Josep yingkhing ching yukjih; apinü khimthünakbo api kheak phukihjih tüsho suna wuhrünlak ahung mükamde yukjih.

MUNGSHIKHÜN 45:9

Kiulongthsürübo tsührübebo nü wüntrekhi liberübo lung lah; nü khah tsülimpeang Ophir suna yukbah kiulongthsübe zhipbah.

MÜCHITMUDU 1:9

tümüde jurübo nü ku kheak akhamdak zülubo tüsho nü hung mükamde lakbo thsübah.

MÜCHITMUDU 6:25

Anihbe jaktsükhi nü mulong chingnü dümürüh, yungsho anihbe mükküpnü nü düphuhshih,

KHÜNBOLUNGKHÜN 1:10

Nü müchipbo kheak nüpünü akhamlah, nü hung kheah suna laknü akhamlah.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

KHÜNBOLUNGKHÜN 4:10

Nü muzho küdükhüh niungla, I tsübe, I yamkhünbe! nü muzho a küdükhüh yukhu kheaknü atsübe, tüsho püpü thüneathürabe kheaknü nü rhüm thüneakhi atsübe la!

KHÜNBOLUNGKHÜN 4:12

Arihkhi wündo, kenü rihdokhi, ke-bukpung yihdokhi ju I tsübe, I yamkhünbe ah.

KHÜNBOLUNGKHÜN 6:12

I mülümrhangyide, lolungbe-berü thirithsüpü lakhi nangde nünü I muzhoachihpü künde kamshih.

KHÜNBOLUNGKHÜN 6:5

I kheaknü nü mükjibo anguhde tsoang, tümüde arünü I tahdochoh! Nü kuyü ju mihnu boto Gilead wungdüpheak kheak yükikhi ruk ah.

KHÜNBOLUNGKHÜN 7:10

I a I tsübuh yo, tüsho api künkhi I kilim lah.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

EZEKIEL 16:11

Inü nü kheak mürezhingzhingnü züt thsüjih: Inü khubo nü bin ching yukjih tüsho lak nü hung mükamde yukjih,

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

1 KORINT 9:5

Püpürü amüsüh-thsangyurübo tüsho Atungpuh lung keoniorübo le Kephasnü arhimokhi nangde Khristan niuberü khülangnü I atrupü alungki yung de?

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;