KHÜNBOLUNGKHÜN 4:6 - AMÜSÜH HÜM CL Bible (BSI)

⁶ Müyinkhiyichoki tüsho amitingbo mutsoyiki inü rhümthünea wung tüsho jinjinlak wung ching niokheamde ayübah.

KHÜNBOLUNGKHÜN 4:6 Iomraidhean Croise

MUNGSHIKHÜN 66:15

Inü namfimihnu kingaün sadam kheak takpü jihbah; inü moshipungbo tüsho mihnubo jihbah, tüsho mokhüh thüning lim yükihbah.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 30:8

Apinü shuhyini ching tsünpung takkihchoki jinjinlak taklobeah, junangde jinjinlak ju lün alala thsungkheak mutukzhakde Atungpuh miki takde alabah.

ABEKHIT 37:29

Apinü thüneabe nangde düsahde mujude-müsühkhitbe müdangke amüsüh tüsho thüneabebonü jinjinlak müthsün thsü.

KHÜNBOLUNGKHÜN 2:17

yapsu apung yünkhi tüsho amiting tsokhi khiungde, I tsübuh, awung-düpheak kheak rimsung yungsho tuzhuk nangde rholoang.

KHÜNBOLUNGKHÜN 3:6

Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

KHÜNBOLUNGKHÜN 4:14

molisang lung molisangbün, thüre tüsho kelülüsang, ju lung jinjinlak-sang alala, rhümthüneabe tüsho akhühsang, ju lung thüneathürabe atsüdakbo alala–

KHÜNBOLUNGKHÜN 8:14

Niokheamang, I tsübuh tüsho rhümthüneabe wungbo kheak rimsung nangde yungsho shahyih nunu nangde thsang!

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

1 JOHAN 2:8

Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah.

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;