KHÜNBOLUNGKHÜN 4:16 - AMÜSÜH HÜM CL Bible (BSI)

¹⁶ Asürang, O dukulim apung! tüsho arang, O düjinglim apung! I wündo kheak yünang, junangde arhümthüneakhi yünmüzütbah. I tsübuh api wündo ching arüshang, tüsho amokhitkhi sangasobo tsühshang.

KHÜNBOLUNGKHÜN 4:16 Iomraidhean Croise

T H S AN GYU T H S AN GR ARÜ 1:6

Apungnü düjinglim yünchoh tüsho dukulim mükamde yüchoh; mükamphülapde apung yünchoh, tüsho amüheanpungnü apung alode arüchoh.

T H S AN GYU T H S AN GR ARÜ 2:5

inü shahwünbo tüsho danawupungbo thsü tüsho ju ching sangaso dungbo mungji abande khim.

KHÜNBOLUNGKHÜN 1:13

I tsübuh a arhümthüneabe qiuqiu nangde I khüh kheak yaplah.

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

KHÜNBOLUNGKHÜN 2:3

Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

KHÜNBOLUNGKHÜN 2:8

I tsübuh düsheak sochoh! Kheahang, api awungbo kheak jukde, awung mujukbo alihhode arüchoh.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 6:2

I tsübuh api wündo ching, rhümthüneabe ching, api mihnu boto yimkippü, tüsho thrilung sangbünbo zükmukhungpü yükido.

KHÜNBOLUNGKHÜN 8:12

I yo kurungasolu, I yo khung ju I thsungkheak lah; nü, O Solomon, nü a 1000 lah, tüsho sangaso kümrübo 200 lah!

ISAIA 64:1

O nünü yinmi chakashungbah akikhülaa, junangde awungbonü nü miki niukbah–

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

MATHI 26:10

Tüshe küyimki Jisunü ju mükheahkhea, apinü arü ki tha, “Tümü thsükhi nüsanü alibe küpkhuk jihcho? Tümütüsho anihbenü I thsungkheak rhimo atsü rhimodo.

MATHI 26:12

Tümüde I pang kheak ha rhümthünea müdangke bukkihkhinü, alibenü I mi bahpü thsungkheak rhimodo.

JOHAN 3:8

Apungnü külimpeang yünnelanü yünchoh, tüsho nünü ju düsheak sochoh, tüshe küchingnü arücho tüsho külim yüchonü nünü mümükheah, me ching zübekhi aban junangde lah.”

JOHAN 5:8

Jisunü api ki tha, “Asürübah nü yapkiu hanang tüsho tsahang.”

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

ROMRÜ KILIM PAULNÜ ATHRÜTKHI KIHÜM HUHTANYU 15:28

Jumonü küyimki inü ha banba, tüsho inü thremukhungkhi arü kilim jihbanü, limro ching nüsa shorude Spain lim yübah;

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.