KHÜNBOLUNGKHÜN 4:11 - AMÜSÜH HÜM CL Bible (BSI)

¹¹ Nü münküp kheaknü aniungbe atsamchoh, I yamkhünbe; mukhuke tüsho niuhke nü mulo khüp lah; nü khimmih rhüm thüneakhi ju Lebanon rhüm nangde lah.

KHÜNBOLUNGKHÜN 4:11 Iomraidhean Croise

THRÜNTAN 27:27

Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah.

MUNGSHIKHÜN 19:10

Jurübo suna kheaknü shoto, suna kheaknü alü atsangkhitbe; jurübo atsangkhitkhi mukhuke kheaknü aniungbe ah.

MUNGSHIKHÜN 45:8

Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

MUNGSHIKHÜN 92:13

Sherü Atungpuh yam ching khima lanü isa Thrünpuh khikzhakpung ching tsüde alabah.

MÜCHITMUDU 16:24

Athünak yubo ju mukhuke nangde, me ching niunglah tüsho robo shihphü tsüshihchoh.

MÜCHITMUDU 5:2

junangde nünü adüngakhi lashihbah tüsho nü münküpbonü mükheahmudu zobah.

MÜCHITMUDU 5:3

Tümüde yüliyüra liberü münküpbonü mukhuke atsamkhichoh, tüsho amün ju müdangke kheaknü ashahshahbe ah;

KHÜNBOLUNGKHÜN 4:10

Nü muzho küdükhüh niungla, I tsübe, I yamkhünbe! nü muzho a küdükhüh yukhu kheaknü atsübe, tüsho püpü thüneathürabe kheaknü nü rhüm thüneakhi atsübe la!

KHÜNBOLUNGKHÜN 4:3

Nü münküpbo aneakrüm hing nangde lah, tüsho nü mün tsülah. Muhiudokhi khüp nü ngobo tsarümkiu tsankhüh ruk ah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 5:13

Api ngobo ju thüneathürabe shahwünbo nangde, arhüm thüneade akhiukchoh. Api münküpbo thrilung sangbünbo, jinjinlak ke tsangkhitkhi nangde lah.

KHÜNBOLUNGKHÜN 7:9

tüsho nü mün müthsüpkhi yukhu atsüdak nangde thsang. Yukhu ju I tsübuh kilim langde, münküp tüsho hü kheak bukde yükishang.

ISAIA 7:15

Apinü amütsü reanglopü tüsho atsü mokhitpü mükheahkhi kim chingnü apinü niuhke-kingkung tüsho mukhuke tsühbah.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.