KHÜNBOLUNGKHÜN 3:6 - AMÜSÜH HÜM CL Bible (BSI)

⁶ Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

KHÜNBOLUNGKHÜN 3:6 Iomraidhean Croise

ABEKHIT 30:34

Atungpuhnü Mosa ki tha, “Thüneathürabe–ano, onika, galbanun tüsho jinjinlak müthsün luang; jurübo adünkhi rukhüh lang alabah.

MÜCHITMUDU 7:17

Inü jinjinlak, aloe tüsho sinamonnü I yapkiu arhümthüneade zolah.

KHÜNBOLUNGKHÜN 1:13

I tsübuh a arhümthüneabe qiuqiu nangde I khüh kheak yaplah.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 3:7

Kheahang, ha Solomon shuhpung-yapkiu ah! Ju mükamde Israel mihtsürü amüzhakbo 60 lah.

KHÜNBOLUNGKHÜN 4:6

Müyinkhiyichoki tüsho amitingbo mutsoyiki inü rhümthünea wung tüsho jinjinlak wung ching niokheamde ayübah.

KHÜNBOLUNGKHÜN 5:13

Api ngobo ju thüneathürabe shahwünbo nangde, arhüm thüneade akhiukchoh. Api münküpbo thrilung sangbünbo, jinjinlak ke tsangkhitkhi nangde lah.

KHÜNBOLUNGKHÜN 5:5

Inü I tsübuh thsungkheak khimshuhjihpü wusu, tüsho I khahbo kheaknü jinjinlak atsamkhi, I yingkhingbo kheak jinjinlak kenü akhrihbe sang kheak pang.

KHÜNBOLUNGKHÜN 8:5

Sunglo chingnü anihbe müyambuh kheak angükihbah atucho ju shepü a? Nü zübepung, mukhiuk dung khüp inü nü yihmusukheah.

ISAIA 43:19

I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 31:2

Atungpuhnü ha thachoh: Mihtsürü sherü nukshang chingnü tsokhidünü sunglo ching mihmüthsüm ngüdo; küyimki Israelnü sühakhim yimkhea,

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

AMIKHEAKAKHIUKKHI 12:14

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü.

AMIKHEAKAKHIUKKHI 12:6

tüsho alibe ju Thrünpuhnü athsakhamkhi sunglo ching, anihbe nimung 1260 kümpü lakhi lim yüabah.

AMIKHEAKAKHIUKKHI 18:13

sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung.

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;