KHÜNBOLUNGKHÜN 3:4 - AMÜSÜH HÜM CL Bible (BSI)

⁴ Anükhüh labah inü arü hodunglim, I menü amuzhobuh inü ngü, inü api ramlo, tüsho I zübekhi I be yam khiungshak ching bede marüyi khiungde inü api mutsoshih.

KHÜNBOLUNGKHÜN 3:4 Iomraidhean Croise

THRÜNTAN 32:26

Tüsho apinü anihbuh ki tha, “I tsoshang, tümüde ayinkhipü thsüchoh.” Tüshe apinü tha, “Nünü I mümüngühjihsho inü nü mutsoshih!”

MÜCHITMUDU 4:13

Thsangdankhi düngde tholoang, dütsoshih; ju tsüde aheangang, tümüde ju nü rhangdung ah.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

KHÜNBOLUNGKHÜN 1:7

I ki thaang, nü shepü I menü muzhocho, nü mihnu boto küching yimkipcho, animuro nünü kükheak yapshihcho; tümüde nü müyamrü mihnu boto ki I kudukiukhi liberü nangde alapü?

KHÜNBOLUNGKHÜN 6:12

I mülümrhangyide, lolungbe-berü thirithsüpü lakhi nangde nünü I muzhoachihpü künde kamshih.

KHÜNBOLUNGKHÜN 7:5

Nü ku thrankhi Karmel wung nangde, tüsho nü kuyü leamkhi mürümmüri zhingzhing nangde; kuyü thsünkhi ching kiulongthsüpuh tholochoh.

KHÜNBOLUNGKHÜN 8:2

Inü nü bebah tüsho I be yam ching, I zübepung khiungshak ching yüzahbah. Inü rhümthüneabe yukhu ayungpü, tsarümkiu ke nü kilim jihbah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

JEREMIA 29:13

Nüsanü küyimki I yimbanü, nüsanü I ngübah; nüsanü nüsa mulong athrünkhinü I yimsho,

TÜZHOKHI 3:25

Atungpuhnü api aleangrü, api yimrü kheak tsülah.

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MATHI 7:7

“Kheangang, tüsho ju nüsa kilim jihbah; yimang, tüsho nüsanü angübah; damang, tüsho nüsa kilim khimshuhjihbah.

ROMRÜ KILIM PAULNÜ ATHRÜTKHI KIHÜM HUHTANYU 8:35

Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?

ROMRÜ KILIM PAULNÜ ATHRÜTKHI KIHÜM HUHTANYU 8:39

achang, asük, yungsho thrüna lakhi alala ching tümünü she Atungpuh Jisu Khrista amuzho chingnü isa müchamkhikhuk.

GALATIA 4:26

Tüshe Jirusalem akube zuzu lah, tüsho alibe ju isa abe ah.