KHÜNBOLUNGKHÜN 3:1 - AMÜSÜH HÜM CL Bible (BSI)

¹ Azhing ching I yapkiu kheak shepü I menü muzhochonü inü api yimdo; inü api yimdo, tüshe api müngü.

KHÜNBOLUNGKHÜN 3:1 Iomraidhean Croise

MUNGSHIKHÜN 22:2

O I Thrünpuh, animuro inü zhichoh, tüshe nünü malojih, tüsho are zhichoh tüshe sühakhim müla.

MUNGSHIKHÜN 4:4

Nü bukakhiukkhi ching neak düyihbeak; nü yapkiu kheak nü mulong ching lümakheahang tüsho zhikde laang.

MUNGSHIKHÜN 6:6

Ashearakhinü I khiabahdo, atripkhinü tsüngre aban I yapkiu chimkhitchoh; chikenü I kumükhambe chimkhita lah.

KHÜNBOLUNGKHÜN 1:7

I ki thaang, nü shepü I menü muzhocho, nü mihnu boto küching yimkipcho, animuro nünü kükheak yapshihcho; tümüde nü müyamrü mihnu boto ki I kudukiukhi liberü nangde alapü?

KHÜNBOLUNGKHÜN 5:6

Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

ISAIA 26:9

I menü nü thsungkheak azhing ching mürheangchoh, I kheak lakhi menü künsahde nü yimchoh. Tümüde küyimki nü mahkhapkhi alomi ching labanü, alomiküp ching larübonü thiyuro-lungki anikhitchoh.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

LUKNÜ ATHRÜTKHI THIYUSHEAK-ATSÜ HUHTANYU 13:24

“Chipimurung amütsümbe chingnü ayüzahpü mürangang, tümüde inü nüsa ki thachoh, ahihkhühnü ayüzahpü yimbah tüshe mukukde alabah.

JOHAN 11:29

Alibenü ju soakede tsahmusubah api kilim arü.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.