KHÜNBOLUNGKHÜN 2:4 - AMÜSÜH HÜM CL Bible (BSI)

⁴ Apinü I aniojikhi yam ching bede arü, tüsho I kurungkheak api riphin ju amuzho lakheah.

KHÜNBOLUNGKHÜN 2:4 Iomraidhean Croise

ESTER 7:7

Kiulongthsüpuhnü abukakhiukde wusubah abinpung khiungshak chingnü wungdo ayam shahwün ching wukhiuk. Hamannü kiulongthsüpuh ngüchoki api thsümüchipü labah de lümbah arhangdung thsungkheak Ester dunglim mükhümde mushu.

JOB HU H T ANYU 1:10

Nünü api le api yam tüsho api lakhi alala mükamde, thrip abande shahwün muyuk yung de? Nünü api khah rhimo müngühjih, tüsho api alakukrukbo lomi ching jakihdo.

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 60:4

Nünü nü trerü kilim riphin jih, junangde athsümünimpü chingnü arü tsokhipü lakheah.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

KHÜNBOLUNGKHÜN 1:1

Khide atsüdak Solomon khün.

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 6:4

I tsübe, nü a Jirusalem nangde, Tirza kiuto nangde jak tsülah, bonungrünü riphin shuhkhi nangde atrebe lah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.