KHÜNBOLUNGKHÜN 2:3 - AMÜSÜH HÜM CL Bible (BSI)

³ Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

KHÜNBOLUNGKHÜN 2:3 Iomraidhean Croise

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

KHÜNBOLUNGKHÜN 1:16

Nü küdükhüh akhamla, I tsübuh, atsütsünü tsülah. Ike yapkiu aphüyak lah;

KHÜNBOLUNGKHÜN 2:5

Kurungaso mukuhnü I mütrüang, mukhiukbonü I düküngshang; tümüde I muzhoachih tukthsü lah.

KHÜNBOLUNGKHÜN 4:13

Nü sangdungbo ju tsarümkiu, ju lung amokhitkhi sangasobo, mürümmüri-sang lung molisang,

KHÜNBOLUNGKHÜN 4:16

Asürang, O dukulim apung! tüsho arang, O düjinglim apung! I wündo kheak yünang, junangde arhümthüneakhi yünmüzütbah. I tsübuh api wündo ching arüshang, tüsho amokhitkhi sangasobo tsühshang.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

KHÜNBOLUNGKHÜN 7:13

Mandrak wophüyakbonü arhüm thüneashihchoh, tüsho ike khimdopübo ki amokhitkhi sangasobo, aso le awün chido lah, küpü inü nü thsungkheak zojihkhea, O I tsübuh.

KHÜNBOLUNGKHÜN 8:11

Baal-hamon ching Solomon kurungasolu khülang lah; api kurungasolu ju akümrübo kilim müchejihdo; mihbüm abannü shotoyinchi nak 1000 jihchoh.

KHÜNBOLUNGKHÜN 8:12

I yo kurungasolu, I yo khung ju I thsungkheak lah; nü, O Solomon, nü a 1000 lah, tüsho sangaso kümrübo 200 lah!

KHÜNBOLUNGKHÜN 8:5

Sunglo chingnü anihbe müyambuh kheak angükihbah atucho ju shepü a? Nü zübepung, mukhiuk dung khüp inü nü yihmusukheah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 4:6

Haju animung alam chingnü ku alampung tüsho alamme labah tüsho chinthrüm le tsüng chingnü tsoyukpung tüsho jikpung labah.

EZEKIEL 47:12

Ayung münküp thrip abande, tsühyungpü thsungkheak sangdung aphuaphu mukhuhbah. Ayübo muyiuh yungsho asobo mayo, tüshe khinu abande aphüyak asobah, tümütüsho arü thsungkheak arüngakopung chingnü ke bukchoh. Sangasobo ju tsühyungpü thsungkheak labah, tüsho ayübo ju moli labah.”

JOEL 1:12

Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

MAHKHAPRÜ 9:15

Tüsho ayangrungnü sangdungbo ki tha, ‘Nüsanü atsütsünü I nüsa kurungkheak kiulongthsürü thsüshihbasho, arübah I khüp alamang; jude yungsho, I yang khahbo chingnü mo akhiukbah tüsho Lebanon cedarbo aniubah.’