KHÜNBOLUNGKHÜN 2:14 - AMÜSÜH HÜM CL Bible (BSI)

¹⁴ O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

KHÜNBOLUNGKHÜN 2:14 Iomraidhean Croise

JOB HU H T ANYU 9:16

Inü api ki jibah I ki alolo she, apinü I düsheak anibah de inü mükin.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 22:3

Tüshe nü a Israelnü ashijihkhi Amüsühbuh Khülang kiulongthsü-binkiu kheak binlah.

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

MUNGSHIKHÜN 45:12

Tair tsührübe thsambah lubah arübah, alarü mihtsürünü nü muzho yimbah.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

MUNGSHIKHÜN 68:13

Nüsa namfimihnu boto bolung lalashe, nüsa shotoyinchinü alüpdokhi müthrithrümpü ghidükeangbo, tüsho anihbe moghidung suna kelülü nangde alabah.”

MUNGSHIKHÜN 74:19

O, nü yo guduru rhangdung mütüm shiwüh kilim düjih; nü yo zhochihrü rhangdung lünnü dümih.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

KHÜNBOLUNGKHÜN 1:5

I a müraklah tüshe jak tsülah, O Jirusalem tsührübebo, Kedar khimyambo nangde, Solomon yo zhindokhim nangde.

KHÜNBOLUNGKHÜN 1:8

Nünü mümükheahsho, O aliberü bolung atsübe, mihnu boto ru yanang, tüsho mihnu neakrü khimyambo rheang ki nü mihnu nunubo yimkipang.

KHÜNBOLUNGKHÜN 5:2

I yapdo, tüshe I mulong arhang lakheah. Aniang! I tsübuhnü thrungchoh. “ I ki khimshuhjang, I tsübe, inü muzhobe, I yo müthrithrümpü, khiukdahbe; tümüde ayinkenü I ku chimkhita lah, azhing ching atsamkhinü I kuyü japjaplah.”

KHÜNBOLUNGKHÜN 8:13

O nü shepü shahwünbo ching la, I müyamrübonü nü düsheak sopü aleanglah; inü ju soanü.

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 60:8

Amo nangde phincho ha tüsho müthrithrümpü arü sap lim phinde arükhi nangde la ha sherü a?

JEREMIA 48:28

O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

JEREMIA 49:16

Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

DANIEL 9:7

Atungpuh , nü thiyuro-lungki ah, tüshe khihni khiungde Juda mihtsürü tüsho Jirusalem mihtsürü tüsho Israel alala, aphüni tüsho limshu, nünü isa hiumüzütkhi lomi alala ching isanü nü ki müthülünkhi hode isa miro müdünkhitde lah.

OBADIA 1:3

Nü mulong kükheangkhinü nü mülapyukdo, nü lungku ching larü, shepü lapung achang ching la. Nünü nü mulong ching tha, “Shenü I alo kheak bekhipü?”

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

KOLOSI 1:22

api miki nüsa amüsüh, areak mükihde tüsho amülim mülashihpü thsüde api shekhi hode apang ching kheakü apinü tsüarihlodo.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;