KHÜNBOLUNGKHÜN 2:10 - AMÜSÜH HÜM CL Bible (BSI)

¹⁰ I tsübuhnü I ki asukchoh tüsho thachoh. “Asürang, inü amuzhobe, I tsübe, tüsho arüabahang;

KHÜNBOLUNGKHÜN 2:10 Iomraidhean Croise

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

MUNGSHIKHÜN 85:8

Atungpuh Thrünpuhnü tümü asukbanü inü anibah, tümüde apinü api mihtsürü tüsho amüsührü ki mungtsü asukbah; tüshe arü makhakhi lim dürholoshih.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

KHÜNBOLUNGKHÜN 1:9

Inü muzhobe, Pharao khora-lolungbe bolung khora-dre khülang ki inü nü akeakheahchoh.

KHÜNBOLUNGKHÜN 2:11

tümüde kheaküa tsüngkam hoabahdo, tsüng hoabahdo tüsho tsoabahdo.

KHÜNBOLUNGKHÜN 2:13

Khubaso dungnü aso asochoh, tüsho kurungasobo pungchoh; arünü arhümthünea jihchoh. Asürang, inü muzhobe, I tsübe, tüsho arüabahang.

KHÜNBOLUNGKHÜN 2:8

I tsübuh düsheak sochoh! Kheahang, api awungbo kheak jukde, awung mujukbo alihhode arüchoh.

KHÜNBOLUNGKHÜN 5:2

I yapdo, tüshe I mulong arhang lakheah. Aniang! I tsübuhnü thrungchoh. “ I ki khimshuhjang, I tsübe, inü muzhobe, I yo müthrithrümpü, khiukdahbe; tümüde ayinkenü I ku chimkhita lah, azhing ching atsamkhinü I kuyü japjaplah.”

JEREMIA 31:3

Atungpuhnü adüsonü api ki akhiuka huh. Inü akheam müla amuzhonü nü muzhokheah; jumonü mutuklode inü nü ki amuzho huh.

MATHI 9:9

Jisu ju chingnü yüde alachoki, apinü ruk-threyam ching Mathi binde ngü. Apinü anihbuh ki tha, “I dunglim yanang.” Tüsho apinü asürübah api dunglim yan.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.