KHÜNBOLUNGKHÜN 1:8 - AMÜSÜH HÜM CL Bible (BSI)

⁸ Nünü mümükheahsho, O aliberü bolung atsübe, mihnu boto ru yanang, tüsho mihnu neakrü khimyambo rheang ki nü mihnu nunubo yimkipang.

KHÜNBOLUNGKHÜN 1:8 Iomraidhean Croise

MUNGSHIKHÜN 16:3

Alomi ching lakhi amüsührübo, arübo müretahkhi ching I asühkhi lah.

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

MUNGSHIKHÜN 45:13

Kiulongthsürü tsührübe ju kiulongthsürü-yam ching müretahde lah; anihbe khimmih ju suna bede keaka lah.

MÜCHITMUDU 8:34

Mihtsürü shepünü I ki anicho, I ripitbo kheak nimung aban kheahcho, I khimdopü dungjingbo kheak aleangchonü müngühmühi.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

KHÜNBOLUNGKHÜN 2:10

I tsübuhnü I ki asukchoh tüsho thachoh. “Asürang, inü amuzhobe, I tsübe, tüsho arüabahang;

KHÜNBOLUNGKHÜN 4:1

Nü küdükhüh she jak atsü, I tsübe, küdükhüh khide jak atsü! Amuhiudokhi khüp nü mük ju müthrithrümpü mük ruk lah. Nü kuyü ju mihnu boto Gilead düpheak yükikhi nangde lah.

KHÜNBOLUNGKHÜN 4:10

Nü muzho küdükhüh niungla, I tsübe, I yamkhünbe! nü muzho a küdükhüh yukhu kheaknü atsübe, tüsho püpü thüneathürabe kheaknü nü rhüm thüneakhi atsübe la!

KHÜNBOLUNGKHÜN 4:7

Nü a lüpdükhi jak tsülah, I tsübe; nü kheak areak kihkhi müla.

KHÜNBOLUNGKHÜN 5:9

O aliberübo lung atsüdakbe, nü tsübuh ju püpürü müyamrü kheaknü tümü büthsü la? Nünü isa ki thapü thsüde nü tsübuh ju püpürü müyamrü kheaknü tümü büthsü la?

KHÜNBOLUNGKHÜN 6:1

Nü tsübuh külim yüde, O aliberü bolung atsüdakbe? Isanü nü lung api yimpü thsüde nü tsübuh küpü limro ching tsode?

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

JOHAN 21:15

Jumonü küyimki arünü yimtsühkhea, Jisunü Simon Peter ki tha, “Jona tsührü Simon, harü kheaknü alü nünü I muzhola shi?” Apinü alo, “Am, Atungpuh; inü nü muzholah de nünü mükheahlah.” Apinü anihbuh ki tha, “I yo namfimihnunubo mütrüang.”

1 KORINT 11:1

Inü Khrista kheahkhikhi nangde, I kheahkhiang.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

JAKOB 2:21

Apinü atsührü Isak kingaün sadam kheak jihchoki, isa abuh Abraham rhimobonü alim mütsankhi yung de?

JAKOB 2:25

Tüsho junangde müzammürambe Rahabnü she yunithsürübo beyukbah limro püpünü awukhiukshihchoki rhimobonü anihbe alim mütsankhi yung de?

JAKOB 5:10

Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang.

1 PETER 3:6

Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.