KHÜNBOLUNGKHÜN 1:5 - AMÜSÜH HÜM CL Bible (BSI)

⁵ I a müraklah tüshe jak tsülah, O Jirusalem tsührübebo, Kedar khimyambo nangde, Solomon yo zhindokhim nangde.

KHÜNBOLUNGKHÜN 1:5 Iomraidhean Croise

MUNGSHIKHÜN 120:5

I Meshek ching lakhi are, junangde I Kedar khimyam bolung lah!

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 45:9

Kiulongthsürübo tsührübebo nü wüntrekhi liberübo lung lah; nü khah tsülimpeang Ophir suna yukbah kiulongthsübe zhipbah.

MUNGSHIKHÜN 90:17

Atungpuh isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

KHÜNBOLUNGKHÜN 2:7

Inü thachoh, O Jirusalem tsührü liberübo, athri shihmüchi yungsho rimsung tamde thiyuchihchimang: Khide mükünchokia ike muzho dürhumusu!

KHÜNBOLUNGKHÜN 3:10

Apinü dungjingbo shotoyinchinü thsü, aduhlobe sunanü thsü, binkiu-lütlüt ju mürümmuchu ah; alunglim ju Jirusalem tsührü liberübonü düshihde akeakkhinü khim.

KHÜNBOLUNGKHÜN 3:5

Inü nüsa ki thachoh, O Jirusalem tsührü liberübo, athri shihmüchi tüsho rimsung tamde thiyuchihchimang: khide mükünchokia ike muzho dürhumünean!

KHÜNBOLUNGKHÜN 4:3

Nü münküpbo aneakrüm hing nangde lah, tüsho nü mün tsülah. Muhiudokhi khüp nü ngobo tsarümkiu tsankhüh ruk ah.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

KHÜNBOLUNGKHÜN 6:4

I tsübe, nü a Jirusalem nangde, Tirza kiuto nangde jak tsülah, bonungrünü riphin shuhkhi nangde atrebe lah.

KHÜNBOLUNGKHÜN 8:4

Inü nüsa ki thachoh, O Jirusalem tsührü liberübo, müthsakhamyi khiungde amuzho dürhumusu yungsho düyihmusu!

ISAIA 21:16

Tümüde Atungpuhnü I ki ha thado: Muloa rhimorü khülang kambo yande, kam khülang dükeaknü Kedar müretahkhi alala arün thsübah;

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 60:7

Kedar mihnu boto alala nü ki mukhungbah, Nebaioth namfimihnupungbonü nü tankihbah; arübo I kingaün sadam kheak aleangkhikhukbe labah. Tüsho inü I müretahkhi yam müretahshihbah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

EZEKIEL 16:14

Tüsho nü akhamkhi hode nü mungthu trükshih bolung soride yü, tümütüsho inü atsüdak nü ki jihkhinü nü khiukdahde akhamde kam, Wuto Atungpuhnü thachoh.

EZEKIEL 27:21

Arabia tüsho Kedar yakzanshuhrü alala nünü mulongkhi namfimihnubo, namfimihnupung, tüsho mihnubo yinrü lakheah; harü ching arünü nü lung yinzüyindo.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 22:11

Tüshe küyimki kiulongthsüpuhnü hanrübo kheahpü arükhea, apinü ju ching mihtsürü khülang arhangrü khimmih müyihde ngü.

LUKNÜ ATHRÜTKHI THIYUSHEAK-ATSÜ HUHTANYU 13:34

“O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 4:26

Tüshe Jirusalem akube zuzu lah, tüsho alibe ju isa abe ah.

EFISIA 5:26

junangde kenü amüsüh dunglim api yunü anihbe tsangkhitpü thsü,

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.