KHÜNBOLUNGKHÜN 1:17 - AMÜSÜH HÜM CL Bible (BSI)

¹⁷ Ike yam binkiu ju cedar sang, damzü ju tsünsang labah.

KHÜNBOLUNGKHÜN 1:17 Iomraidhean Croise

1 KIULONG THSÜRÜ 6:10

Apinü thüyam abümnü mükamde dukhukimpü thsü; sadam abande achanglim khahnap 5nü thsü, tüsho ju cedar sangbeakbonü thüyam kheak rünkih.

1 KIULONG THSÜRÜ 6:9

Junangde apinü thüyam ju thsükhi; apinü thüyam ching ju cedar sang abinkiu tüsho sangbeakbonü damzü thsü.

2 KIUTHSÜYUKHEAN 3:5

Apinü mükü ju saipress sangnü kümdo, ju suna müthsünnü lüpdo, tüsho ju kheak ashisang tüsho wuhrünbo thsükih.

MUNGSHIKHÜN 92:12

Thiyuro-lungkirü ju ashidung nangde bükbük atobah, api a Lebanon ching cedar nangde azokihbah.

KHÜNBOLUNGKHÜN 7:5

Nü ku thrankhi Karmel wung nangde, tüsho nü kuyü leamkhi mürümmüri zhingzhing nangde; kuyü thsünkhi ching kiulongthsüpuh tholochoh.

KHÜNBOLUNGKHÜN 8:9

Anihbe rhü khülang thsükhülaa, isanü alibe kheak shotoyinchi rünchang thsükihbah; anihbe khimdopü thsükhülaa, isanü cedar sangbeaknü alibe yihdobah.

JEREMIA 22:14

shepünü thacho, “ Inü I yam khiungshak atotobo achangbe khiungshak ato bede athsübah,” tüsho shepünü ju thsungkheak ayinripitbo thsücho, cedarnü kümlocho tüsho yin-mürümmuchunü mujucho.

EZEKIEL 41:16

adamkhi kheaknü ayinripitbo khiungde alala sangnü lüpdo. Harü ayinripitbo sangnü lüpdoa lakheah.

EZEKIEL 42:3

Alungbe khikzhakpung khahnap 20 kheanghode, tüsho aleangbe khikzhakpung limtsahpung thrip abinde, khiungshakbo ju rünkih mahsam ching rünhuhkhamde thsü.

IBRI 11:10

Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah.