KHÜNBOLUNGKHÜN 1:12 - AMÜSÜH HÜM CL Bible (BSI)

¹² Küyimki kiulongthsüpuh api dükhüm kheak lakhea, I yo arhümthüneabenü münimde yü.

KHÜNBOLUNGKHÜN 1:12 Iomraidhean Croise

MUNGSHIKHÜN 45:1

I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

KHÜNBOLUNGKHÜN 1:11

Isanü nü khilim shotoyinchinü amükhipbe thsübah suna nüpübo thsüjihbah.

KHÜNBOLUNGKHÜN 7:5

Nü ku thrankhi Karmel wung nangde, tüsho nü kuyü leamkhi mürümmüri zhingzhing nangde; kuyü thsünkhi ching kiulongthsüpuh tholochoh.

MATHI 22:11

Tüshe küyimki kiulongthsüpuhnü hanrübo kheahpü arükhea, apinü ju ching mihtsürü khülang arhangrü khimmih müyihde ngü.

MATHI 22:4

Kheaküshe apinü yamlarü püpürü thiyia yüshih, ‘Ajiyukrübo ki thaang, “Kheahang, inü jimpung thsakhamlah; I moshipungbo tüsho ashih-kihkhi moshibo laksahdo, tüsho lüpdükhi thsakhamlah. Arhangrü thünio ching arang.”

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MARK 14:3

Tüsho Bethani ching aphamrü Simon yam ching lachoki, aliberü khülangnü lung-langpung chingnü amo-achak rhümthünea müdangke lubah arü, tüsho api dükhüm ki binde alachoki aku kheak dungkihjih.

JOHAN 12:3

Judüki Marinü amo-chakkhi rhümthünea müdangke pungdüchi chamshakkhüh lubah Jisu jing kheak bukkihjih, tüsho anihbe kuyünü nanjih, tüsho müdangke rhümthüneakhinü thüyam mide kam.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.