JUDNÜ ATHRÜTKHI KIHÜM HUHTANYU 1:9 - AMÜSÜH HÜM CL Bible (BSI)

⁹ Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

JUDNÜ ATHRÜTKHI KIHÜM HUHTANYU 1:9 Iomraidhean Croise

1 KIUTHSÜYUKHEAN 12:17

Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

ABEKHIT 22:28

“Nünü Thrünpuh düluhmüne, yungsho nüsa mihtsürü yakzanshuhrü dathru.

DANIEL 10:13

Tüshe Persia kiulongthsü yakzanshuhrünü I nimung mukukheak khülang azhih. Jumonü Maikel, ato yakzanshuhrü bolung khülang I rungpü arü, tümütüsho I Persia ching I langzü lakheah,

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

MARK 15:29

Tüsho tsahhode alarübonü api athrude arü ku angamde tha, “Aha! Arüngyam thsümünimbah nimung mahsam chingnü athsülopü labuh,

YUZÜNGTHALO 34:6

Tüsho Atungpuhnü api Beth Peor thripkhüh lim, Moab dükhün ching kiuyukabah; tüshe khihni khiungde shenü she api kiuyuk mümükheah.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

2 PETER 2:11

tüshe yunirübo sühmüh tüsho wu atobe lalashe, Atungpuh miki arü azhihde amütsü masukchoh.

AMIKHEAKAKHIUKKHI 12:7

Kheakü yinmi ching Maikel tüsho api yunirübonü dragon azhihde thirithsü akhiuk; tüsho dragon le api yunirübonü keochih,