JUDNÜ ATHRÜTKHI KIHÜM HUHTANYU 1:4 - AMÜSÜH HÜM CL Bible (BSI)

⁴ Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

JUDNÜ ATHRÜTKHI KIHÜM HUHTANYU 1:4 Iomraidhean Croise

2 SAMUEL 22:5

Tümüde ashe ke abükkhinü I mükamdo, athsümünimbe düchi I kheak zünde akih;

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

MUNGSHIKHÜN 62:2

Api lang I lungto tüsho I akhümkhit; api I chipi, küyimkishe I matrüt.

MATHI 13:25

Tüshe küyimki mihtsürübo yapabahkheanü, api riri arübah hi bolung muthsuaberim hiuyuk tüsho tsoabah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 15:24

Isanü müthiyide isa bolungnü khürü wukhiukbah arü yu thakhinü nüsa lümkhi thsümünimde küpkhuk jihdo de isanü sodo.

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

1 TIMOTHI 5:8

Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

2 TIMOTHI 3:6

Arü khürünü mihtsürü yambo ching yüzahchoh tüsho arü neak ching mülimde, reangmüzahkhi tüsho shihkünkhi mungji alalanü bephülapkhi liberübo,

1 PETER 2:16

Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

1 PETER 4:18

Amüsühyunü thachoh, “Thiyuro-lungki mihtsürü she arothsünnü khümkhitsho, amükinrü tüsho aneakrü a tümü kamba?”

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

2 PETER 2:7

tüsho mihbukmuyuk rhimo amünean hode lümthsünüa lakhi Lot bekhit

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

1 JOHAN 2:22

Shepü akeangyu tharü a? Jisu ju Khrista yung de atharü mihtsürü ah. Shepünü Abuh tüsho atsührü bahyukchonü, ju Khrista azhihrü ah.

JUDNÜ ATHRÜTKHI KIHÜM HUHTANYU 1:15

alala kheak mahkhappü, mükinde arhimokhibo dünkheak arü alala tüsho amükinrü aneakrübonü api azhihde amütsü yubo thakhi bahyukpü!”

JUDNÜ ATHRÜTKHI KIHÜM HUHTANYU 1:18

arünü nüsa ki tha, “Akheam kim ching arü nihbuh mükinkhi shihkünkhi yande luhmünerübo labah.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”