JUDNÜ ATHRÜTKHI KIHÜM HUHTANYU 1:25 - AMÜSÜH HÜM CL Bible (BSI)

²⁵ Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.

JUDNÜ ATHRÜTKHI KIHÜM HUHTANYU 1:25 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

MUNGSHIKHÜN 104:24

O Atungpuh , nü rhimobo küdükhüh she la! Lümlung ching nünü arü alala thrün. Alomi ju nü lorilokobonü milah.

MUNGSHIKHÜN 147:5

Isa Tungpuh ju ato, tüsho wu ching tolah; api anikhitkhi makebin.

MUNGSHIKHÜN 78:20

Kheahang, apinü lungto kheak rhap, junangde kebo bukkhit, tüsho yungzübo zhikhiukde buk. Apinü yikhap she ajihkhukba shi? Apinü mihtsürü thsungkheak shih jihkhukba shi?”

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

JOHAN 4:22

Nüsanü tümü mümükheahnü ju kingaünchoh; isanü tümü mükheahlanü ju kingaünchoh, tümüde akhümkhit ju Jihudarü kilimnü lah.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

ROMRÜ KILIM PAULNÜ ATHRÜTKHI KIHÜM HUHTANYU 16:27

Alala lümlung labuh, Thrünpuh kilim lang, Jisu Khrista hode lün thsungkheak müretahshang! Amen.

EFISIA 1:8

ju apinü lümlung tüsho anikhitkhi ching isa suhdahde kamshih.

EFISIA 3:10

junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü,

EFISIA 3:21

borü ching tüsho isa Khrista ching lünbo alala kilim lünnü lün api müretahshang. Amen.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 2:3

Ha atsü ah, tüsho isa khümkhitrü Thrünpuh miki aleangkhikhukbe lah,

TITA 2:10

yungsho arü kheaknü mahühbeah, tüshe arü kheak dükde mulonglam lakhi huhbeah, junangde lüpdükhi limro ching arünü isa khümkhitrü Thrünpuh dünkheak thsangyukhi alunebe kamshihbah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,

IBRI 13:8

Jisu Khrista ju yini, khihni tüsho lünnü rukhüh ah.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.