JUDNÜ ATHRÜTKHI KIHÜM HUHTANYU 1:12 - AMÜSÜH HÜM CL Bible (BSI)

¹² Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

JUDNÜ ATHRÜTKHI KIHÜM HUHTANYU 1:12 Iomraidhean Croise

2 KIUTHSÜYUKHEAN 7:20

jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

JOB HU H T ANYU 8:17

Arü yingbonü lungmujuk mükamde hingchoh; arü ju lung bolung lapü kheahchoh.

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 37:2

Rim mukuhabahkhi nangde arübo nahde kheamabahbah; sangrungbo yiuhkhi nangde arübo ashebah.

MÜCHITMUDU 25:14

Shepünü arükchihnü jihchungkhi kheak kükheangchonü tsüng mübekhi amobo tüsho apung ruk ah.

EZEKIEL 17:9

Arü ki thaang, Wuto Atungpuhnü ha thachoh: Ha atoba de? Ha aying murukkhitba de tüsho aso murhokhamba de, junangde yiuhamübahpü? Aso chinkhi alala ayiuhbah. Ha aying chingnü arukkhitpü wu ato yungsho mihtsürü ahihkhüh yihnüpü müla.

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.

EZEKIEL 34:18

Nüsa thsungkheaknü rim atsü tsühkhi musuhdah de, tüshe nüsa jingnü nüsa rim aningkhi junakba de? Küyimki nüsanü ke amüsüh yungbanü, nüsanü nüsa jingnü aningkhi rhuzhihzhihba de?

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

EZEKIEL 34:8

I lale, Atungpuh Thrünpuhnü thachoh, tümütüsho I yo namfimihnubo arishih khülang kamdo, tüsho I yo namfimihnubo mütüm shiwühbo alala jim kamdo, tümütüsho ju ching namfimihnu neakrü mülakheah; tüsho I yo namfimihnu neakrübonü I yo namfimihnubo müyim, tüshe namfimihnu neakrübonü nihbuh lang tsühyungdo, tüsho I yo namfimihnu müyimkip;

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

LEVI 14:43

Lungbo tüsho rhü mujukhi khukkhia bahbahle amuju dunglim kheaküshe tukthsü ju thüyam ching akhiuklosho,

MATHI 13:6

Tüshe küyimki ani akhiukkhea, arü kheak thsahkih, tüsho arü ying mülamonü yiuhabah.

MATHI 15:13

Tüshe apinü alo, “Yinmi ching I Buhnü mükhimkhi sangrung aban rukkhitbah.

MARK 4:6

Tüshe küyimki ani akhiukkhea, ju phu, tüsho aying mülakhi hode yiuhabah.

LUKNÜ ATHRÜTKHI THIYUSHEAK-ATSÜ HUHTANYU 12:45

Tüshe yamlarünü mulong ching, ‘I putungrü arüpü ruhde lah,’ de thasho, tüsho yamlarübo le yamlaberübo shikpü tüsho tsühyungde amüshangpü tankihsho,

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

LUKNÜ ATHRÜTKHI THIYUSHEAK-ATSÜ HUHTANYU 8:6

Tüsho khürü lungmi kheak hiukih; ju tode asürübah yiuhabah, tümütüsho ju aloke müla.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 TIMOTHI 5:6

tüshe khimoberü shepünü shih reangkeampü ching jihchonü anihbe arhang lalashe ashekhi lah.

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.