JUDNÜ ATHRÜTKHI KIHÜM HUHTANYU 1:11 - AMÜSÜH HÜM CL Bible (BSI)

¹¹ Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

JUDNÜ ATHRÜTKHI KIHÜM HUHTANYU 1:11 Iomraidhean Croise

2 KIULONG THSÜRÜ 16:16

Amükeambuh Urianü kiulongthsüpuh Ahaznü thiyukhüm jihkhi nangde lüpdükhi rhimo.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

EZEKIEL 13:3

Wuto Atungpuhnü thachoh: Nihbuh me yanrü makharü wukihrü tüsho tümü müngürü ayokhe!

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

WÜHKHE 31:16

Kheahang, arünü Balaam yu anibah Israel mihtsürübo Peor ching dünjichoki Atungpuh azhihde amülim rhimoshih, tüsho Atungpuh mihtsürü bolung arüm tukthsü lakheah.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

AMIKHEAKAKHIUKKHI 2:14

Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.