JUDNÜ ATHRÜTKHI KIHÜM HUHTANYU 1:1 - AMÜSÜH HÜM CL Bible (BSI)

¹ Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

JUDNÜ ATHRÜTKHI KIHÜM HUHTANYU 1:1 Iomraidhean Croise

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 13:55

Ha sangrhimosorü tsührü yung de? Abe ju Mari yung de? Tüsho api keoniorübo Jakob, Josep, Simon, tüsho Juda yung de?

MARK 3:18

Andria, Philip, Bartholoma, Mathi, Thoma, Alphia tsührü Jakob, Thadia, Kananrü Simon

MARK 6:3

Ha Mari tsührü, tüsho Jakob, Josep, Juda, tüsho Simon pürü akhiung sangrhimosorü yung de? Tüsho api niurü aliberübo ha ching isa lung lah.” Tüsho arünü api bahyuk.

LUKNÜ ATHRÜTKHI THIYUSHEAK-ATSÜ HUHTANYU 6:16

Jakob tsührü Juda, tüsho yinatsühbuh Juda Iskariot.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 14:22

Judanü (Iskariot yung) api ki tha, “Atungpuh, nünü küde thsah alomi ki yungde isa ki akhiuka huhba?”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 17:15

Arübo alomi chingnü luakhinpü inü nü ki mütamkhüntamnü, tüshe nünü arübo amütsübe chingnü küma lashang.

JOHAN 17:17

Nü thiyuro hode arü tsangkhitjang. Nü yu ju thiyuro ah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

JOHAN 6:39

Ha I thiyibuh Abuh lümkhi ah, junangde apinü I jihkhi alala tümü she müdükheak tüshe akheam nimung ching arhang kamlobah.

YUNIRÜBO RHIMO 1:13

Tüsho küyimki arü yüzahkheanü, arünü arü binkhi achangbe khiungshak ching yükih: Peter, Jakob, Johan, Andria, Philip, Thoma, Bartholoma, Mathi, Alphia tsührü Jakob, Zealot de ajikhi Simon tüsho Jakob tsührü Juda.

YUNIRÜBO RHIMO 20:32

Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 1:6

Jisu Khrista yo thsüpü jia larü bolung nüsa she belanü;

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

JUDNÜ ATHRÜTKHI KIHÜM HUHTANYU 1:21

nüsabo Thrünpuh amuzho ching lang; lün rhangdung lim isa Atungpuh Jisu Khrista mihmüthsüm thsungkheak aleangang.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.