JONA 4:2 - AMÜSÜH HÜM CL Bible (BSI)

² Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

JONA 4:2 Iomraidhean Croise

1 KIULONG THSÜRÜ 19:4

Tüshe api a nimung khülang hantsahde sunglo ching yü, tüsho arübahle sunglo phütdungsang khüp bin. Api ashebah de apinü keokhi: “Ha suhdahdo; O Atungpuh , kheakü I rhangdung lubah tsoang, tümüde I a isa jipürü kheaknü atsü yung.”

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 145:8

Atungpuh a mihmüthsüm tüsho amuzhonü mide lah, arünnü bukakhiukchoh tüsho amüthsüm ching tolah.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 26:13

Kheakü jumonü nüsa limrobo tüsho nüsa rhimobo thsüphuloang, tüsho Atungpuh nüsa Thrünpuh yu aniang, tüsho Atungpuhnü nüsa azhihde athakhi thsümütsü alala dünkheak api lümkhi müthribah.

JEREMIA 42:10

Nüsanü lang ha lomi ching lasho, inü nüsa bemusubah tüsho nüsa muthokheam; inü nüsa khimbah, tüsho nüsa murukkhit; tümüde inü nüsa kheak thsümütsü handarükhi dünkheak I mulong ashilah.

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

LUKNÜ ATHRÜTKHI THIYUSHEAK-ATSÜ HUHTANYU 10:29

Tüshe apinü anihbuh mütsanmükhia lunede Jisu ki tha, “Tüsho I yamhingrü ju she a?”

YUZÜNGTHALO 4:31

(tümüde Atungpuh nüsa Thrünpuh ju amüthsüm Thrünpuh) apinü nüsa mübahyuk yungsho müdükheakshih, yungsho apinü nüsa bebuhrü kheak tangzüngkhi mümih.