JONA 3:10 - AMÜSÜH HÜM CL Bible (BSI)

¹⁰ Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

JONA 3:10 Iomraidhean Croise

1 KIUTHSÜYUKHEAN 21:15

Tüsho Jirusalem thsümünimshihpü Thrünpuhnü yunirü khülang yüshih; tüshe küyimki apinü athsümünimpü thsükhea, Atungpuhnü thsümütsü dünkheak lümalo; apinü athsümünimrü yunirü ki tha, “Suhdo! Nü khah tukloang.” Judüki Atungpuh yunirü ju Jebusrü Arauna hinitpung ki zhipde alakheah.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

JEREMIA 18:7

Kim khülang ching trükshih yungsho kiulongthsü khülang dünkheak zükshaka bahpü tüsho kingkheampü tüsho thsümünimpü inü athapü lah,

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 42:10

Nüsanü lang ha lomi ching lasho, inü nüsa bemusubah tüsho nüsa muthokheam; inü nüsa khimbah, tüsho nüsa murukkhit; tümüde inü nüsa kheak thsümütsü handarükhi dünkheak I mulong ashilah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

JONA 4:11

Dale küdükhüh inü ju kiuto ato Nineve kheak amuzho mülapü. Ju ching amülim mülakhi mihtsürübo 120,000, tüsho shiwühbo she ahihdo lah!”

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 11:32

Nineve mihtsürübonü ha lün kheak mahkhapkhi ching wusubah tüsho ju bahyukbah, tümüde Jonanü thsangyuthsangrakhinü arü mulong müthri; tüsho atsütsü Jona kheaknü atobe ha ching lah.

LUKNÜ ATHRÜTKHI THIYUSHEAK-ATSÜ HUHTANYU 15:20

Tüsho apinü tsahmusubah abuh kilim arü. Tüshe api limshu ching tsahchokinü, abuhnü api ngübah muzhode lüm, tüsho alihde yübah ahung kheak kap tüsho api müthsüp.