JONA 2:4 - AMÜSÜH HÜM CL Bible (BSI)

⁴ Judüki inü tha, ‘ I nü mikinü limshude tsoshihdo, küde thsah inü nü amüsüh arüngyam kheak kheahloba?’

JONA 2:4 Iomraidhean Croise

1 KIULONG THSÜRÜ 8:42

tümüde arünü nü mung ato, nü khah sühmüh, tüsho nü bin chungkhitkhi sobah küyimki khiungkerü khülang arüba tüsho ha yam lim tamkhüntamnüba,

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIUTHSÜYUKHEAN 6:38

arünü arü mulong tüsho me alalanü arü ramde ayükhi lomi ching mulong müthrisho, tüsho nünü arü jipürübo kilim jihkhi lomi, nünü amokhitkhi kiuto tüsho nü mung thsungkheak inü athsükhi yam lim tamkhüntamnüsho,

MUNGSHIKHÜN 31:22

Tümüde inü trede tha, “I nü mük kinü lipkhia bahdo”; tütüshe inü nü ki mushude azhikhi düsheak nünü sojih.

MUNGSHIKHÜN 42:8

Atungpuhnü animuro kim ching api muzhodakkhi huhbah, tüsho are api khün I lung labah– I rhangdung Thrünpuh kilim tamkhüntamnü khülang labah.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 88:6

Nünü I alokhün abobe, amiting, asük ching yapshihdo.

MUNGSHIKHÜN 88:7

Nü mulong zhipzhip I kheak mülangde lah, tüsho nünü nü ke abükkhibo alalanü I thsümüchi.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 49:14

Tüshe Zionnü tha, “Atungpuhnü I bahyukdo, I Tungpuhnü I mihdo.”

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 7:15

Tüsho inü nüsa keoniorü yankhitkhi nangde Ephraim münü alala, nüsa I mikinü yankhita bahbah.

TÜZHOKHI 3:54

I ku kheak ke dütsüt; inü tha, “ I laksahdo.”

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.