JONA 1:9 - AMÜSÜH HÜM CL Bible (BSI)

⁹ Apinü alo, “ I Ibrirü ah. Inü yinmi Thrünpuh, keto tüsho akung lomi thrünrü Atungpuh kingaünchoh.”

JONA 1:9 Iomraidhean Croise

THRÜNTAN 1:10

Thrünpuhnü alo akung ki “Alomi” tüsho ke kingmukhungkhi ki “Kekim” de ji. Tüsho Thrünpuhnü ju tsülah de kheah.

THRÜNTAN 14:13

Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah.

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 39:14

alibenü anihbe yam ching yamlarübo ji tüsho arü ki tha, “Kheahang, apinü isa mükhemürangshihpü Ibrirü isa kilim bede arüa lah. Apinü I kheak amütsü thsüpü arü, tüsho inü düsheak achangnü zhikhit.

2 KIULONG THSÜRÜ 17:25

Küyimki arü atan ju ching lakhea, arünü Atungpuh mükingaün; jumonü Atungpuhnü arü bolung kekhüzü yüshihbah arü nguhsah.

2 KIULONG THSÜRÜ 17:28

Jumonü arünü Samaria chingnü bede ayükhi amükeamrü khülang arü tüsho Bethel ching la; apinü arü ki küruk Atungpuh kingaünbanü huh.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 5:11

“Tüsho arünü isa ki hade alo, ‘Isa thüning le alo Thrünpuh yamlarü ah, tüsho isa adüso sühmüh larü Israel kiulongthsünü thrünbah bana lakhi arüngyam thrünlochoh.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 2:4

Kiulongthsüpuhnü keokhi, “Nünü akünkhi ju tümü a?” Inü yinmi Thrünpuh ki tamkhüntamnü,

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

JOB HU H T ANYU 1:9

Judüki Arimrinü Atungpuh ki alo, “Tümü mülakhi thsungkheak Jobnü Thrünpuh wüntrecho de?

MUNGSHIKHÜN 136:26

O, yinmi Thrünpuh kilim makshe jihang! Tümüde api amüthsüm lünnü rünkhiungde lah.

ABEKHIT 1:15

Judüki Ijip kiulongthsüpuhnü Ibrirü zübe-mütrürü Shipra tüsho Pua ane ki tha,

ABEKHIT 2:13

Apinü ashido she yü tüsho Ibrirü mahne rukachihkhi ngübah amülimbuh ki tha, “Tümü thsükhi nü müyamrü Ibrirü lakcho?”

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

FILIPI 3:5

tizheah nipü tsütabah, Israel mihtsürü, Benjamin trük, Ibrirü zübekhi lah; yakzan yandüa Pharisi,

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 16:11

tüsho arü thsünükhi tüsho mübo dünkheaknü yinmi Thrünpuh athru, tüsho arü rhimobo chingnü mümüthrilo.