JONA 1:7 - AMÜSÜH HÜM CL Bible (BSI)

⁷ Sangkung berübonü khülangnü khülang ki thaachih, “Arang, isanü azan thsanü, junangde she dünkheaknü ha thsümütsü isa kheak arüa lanü isanü amükheahbah.” Jumonü arünü azan thsü, tüsho azan ju Jona kheak akhiuk.

JONA 1:7 Iomraidhean Croise

ESTER 3:7

Zerzes kiulongthsü thürükheak mahnepü kam, Nisan de ajikhi akhuhbe khinu ching Hamannü rük yimpü nimung akhukhitpü thsungkheak azan thsüpü thiyukhüm jih. Khinu thürükheak mahne, Adar khinu de ajikhi thürükheak mahsampü nimung mokhit.

JOB HU H T ANYU 10:2

Inü Thrünpuh ki thabah; I dübahyuk; tümü thsükhi nünü I azhihchonü I ki mükheahshang.

MUNGSHIKHÜN 22:18

Arünü arü bolung azan thsüde I khimmih chama luchoh.

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

YUNIRÜBO RHIMO 13:19

Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

JIHUSUA 7:10

Atungpuhnü Jihusua ki tha, “ Asürang! Tümüde nü miro alo ching khurambah yabla?