JONA 1:5 - AMÜSÜH HÜM CL Bible (BSI)

⁵ Judüki sangkung berübo müyinnimde kam, tüsho mihbüm abannü nihbuh thrünpuh ki zhi. Arünü sangkung ching lakhi kukrukbo arü thsungkheaknü hiphipde akamshihpü keto ching bah. Judüchoki, Jona a sangkung damkhi kheak yüzahnü yapsherakraka lakheah.

JONA 1:5 Iomraidhean Croise

1 KIULONG THSÜRÜ 18:26

Jumonü arü kilim jihkhi moshipung arünü lubah thsakham, tüsho yapsunü animuro khiungde Baal mung jide zhi, “O Baal, isa ki alojang!” Tüshe düsheak tümü müla tüsho malojih. Arünü athsükhi kingaün sadam mükamde arünü tsün.

JOB HU H T ANYU 2:4

Judüki Arimrinü Atungpuh ki alo, “ Küp thsungkheak küp! Mihtsürünü anihbuh rhangdung khümkhitpü thsungkheaknü api lakhi alala jihbah.

MUNGSHIKHÜN 107:25

Tümüde apinü thiyukhüm jihchoh tüsho chinthrüm apung asürüshihchoh, junü keto abükkhi bekihchoh.

MUNGSHIKHÜN 148:8

Mo tüsho arulung, phürüm tüsho amobo; api yu anikhi chinchobe apung;

T H S AN GYU T H S AN GR ARÜ 3:6

ayimpü kim khülang, tüsho adükheakpü kim khülang; azopü kim khülang, tüsho jipa bahpü kim khülang;

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

JONA 1:14

Judüki arünü Atungpuh ki zhi, “ O Atungpuh , muzhobah ha mihtsürü rhangdung dünkheak isa düsheshih. Amülim mülarü mihtsürü laksahkhi thsungkheak isa ki mah dükhap, tümüde O Atungpuh , nünü amulongkhi nangde nünü rhimodo.”

JONA 1:16

Judüki mihtsürübonü alü Atungpuh trede kam, tüsho arünü Atungpuh kilim laksah-a kingaünkhi jih tüsho thiyuchihchimbo thsü.

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”

MATHI 25:5

Tüshe küyimki yamkhün-kamrü ruhde alakhea, arü alala ane tüsho yapshede yü.

MATHI 26:43

Küyimki api alode arükhea, kheaküshe arübo yapshea apinü ngü, tümütüsho arünü arü mük mürheakkhuk.

MATHI 26:45

Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

YUNIRÜBO RHIMO 27:38

Junangde küyimki arünü suhdahde atsühkhea, wheat ju keto ching jipa bahde sangkung hiphipde kamshih.

MAHKHAPRÜ 16:19

Judüki alibenü api ju apho kheak mühüma yapshih, tüsho mihtsürü khülang jia akuyü athsün thüne hüta bahshih. Jushu alibenü api thsümüchipü tankih, tümüde api sühmüh mülade kam.

1 SAMUEL 24:3

Apinü lungkhün lapung namfimihnu yam lakhi limro yean arü; tüsho Saul ju sühakhima lupü yü. Kheakü David le amihtsürübo lungkhün alunglim peang binde alakheah.