JONA 1:3 - AMÜSÜH HÜM CL Bible (BSI)

³ Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

JONA 1:3 Iomraidhean Croise

THRÜNTAN 3:8

Arelim anenü Atungpuh Thrünpuh shahwün ching tsahkhi jingkhün sobah api kheaknü shahwün ching sangdung bolung jikabah.

THRÜNTAN 4:16

Jumonü Kainnü Atungpuh kinü tso tüsho Eden aniakhiuklim Nod lomi ching la.

1 KIULONG THSÜRÜ 19:3

Judüki api trede alakheah; apinü asürü tüsho api rhangdung thsungkheak alihde tso, tüsho Juda ching Beersheba lim arü; apinü ayamlarü ju ching zojih.

1 KIULONG THSÜRÜ 19:9

Ju dangpung ching apinü lungkhün khülang ching arü, tüsho ju tsüngre ju ching bin. Judüki Atungpuh yu api kilim arüde tha, “Nü ha ching tümü thsücho, Elija?”

2 KIUTHSÜYUKHEAN 2:15

Kheakü, wheat hi, barli, oliv müdangke tüsho yukhu thsungkheak a, küpü I tungpuhnü thadünü, anihbuh yamlarübo kilim mühahang.

2 KIUTHSÜYUKHEAN 2:16

Lebanon ching nünü tümüpürü yihnüpü lanü isanü akiushakbah, tüsho thsünrubah nü kilim keto chingnü Joppa ching lude arübah; nünü ju Jirusalem ching lude awutubah.”

2 KIUTHSÜYUKHEAN 9:21

Tümüde kiulongthsüpuh yo sangkungbo Hiram yamlarübo lung Tarshish ching yü; kam mahsam ching khülang ki Tarshish sangkungbonü suna, shotoyinchi, thsotorü, shihngü, tüsho shuhyibo hanbah arü.

EZRA 3:7

Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

JOB HU H T ANYU 1:12

Atungpuhnü Arimri ki tha, “ Khide tsülah, api lakhi alala nü wu ching lah, api azhihde nü khah lang düjipkih!” Jumonü Arimrinü Atungpuh mikinü wukhiuk.

JOB HU H T ANYU 2:7

Jumonü Arimrinü Atungpuh mikinü wukhiuk, tüsho api müphü kheaknü thangphülang khiungde Job kheak münü mide kamshih.

MUNGSHIKHÜN 107:23

Sherü sangkung chingnü keto ching yüzahcho, sherü ke atobo kheak shothsümolocho,

ISAIA 2:16

Tarshish sangkung alala azhihde, tüsho akhamkhi khahrhimo alala azhihde.

ISAIA 23:1

Tair dünkheak müchityu. Mulong rozhakde zhiang, O Tarshish sangkungbo, tümüde nü thsümünimdo. Küyimki arü Saipra chingnü azahkheanü arünü ju mükheahdo.

ISAIA 23:10

Nüsa nihbuh lomi ching hode yüang, O Tarshish tsührübebo; kheaküa ku alampung müla.

ISAIA 23:6

Tarshish lim hode yüang–tüzhode tripang, O keyean larübo!

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

JEREMIA 10:9

Akingkhi shotoyinchi Tarshish chingnü handarü, tüsho Uphaz chingnü suna handarü. Arübo ju sangrhimosorünü rhimokhi tüsho sunakingrü khahnü arhimokhi; arü khimmih ju biyi tüsho mürümmuchu; arü alala ayeanzo rhimorünü arhimokhitkhi lah.

EZEKIEL 2:8

“Tüshe mihtsürü tsührü, inü nü ki tümü thachonü aniang. Azhihkhi yamkhün nangde I dazhih; nü mün kaang tüsho inü tümü nü ki jihchonü tsühang.”

EZEKIEL 27:12

Tarshishnü nü lakhit ato suhdahkhi ching shothsümolodo; shotoyinchi, yinchi, yinchi-apü, tüsho yinchithünak nü kukruk dün müthriachih.

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

JONA 1:10

Judüki mihtsürübonü alü trede kam, tüsho api ki tha, “Tümü thsükhi nünü ha rhimokhea!” Tümüde api ju Atungpuh mikinü tsokhichoh de mihtsürübonü mükheah, tümütüsho apinü arü ki thaa lakheah.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 9:62

Tüshe Jisunü api ki tha, “Shepünü khin ching wochakde zhipbah dunglim rholoa kheahchonü Thrünpuh kiulongthsü tankihpü müthülün.”

YUNIRÜBO RHIMO 15:38

Tüshe shepü Pamphylia ching tuklobah arü lung rhimo ching müyükheanü Paulnü arü lung mübepü tsülah de lüm.

YUNIRÜBO RHIMO 26:19

“Jumonü, O kiulongthsüpuh Agrippa, inü yinmi michih ki manide müla,

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

YUNIRÜBO RHIMO 9:38

Lydda ju Joppa phünide alakhinü ju ching Peter lah de akinrübonü sobah api ki mushushihpü mihtsürü mahne yüshih, “Muzhobah mashude isa kilim arang.”

YUNIRÜBO RHIMO 9:42

Ju Joppa alala ching mükheahde kam, tüsho ahihkhühnü Atungpuh kheak kin.

YUNIRÜBO RHIMO 9:43

Tüsho apinü Joppa ching nimung ashang shihküp-rhimorü Simon lung la.

1 KORINT 9:16

Tümüde inü thiyusheak-atsü thsangyuthsangrasho ju inü akükheangpü müla, tümütüsho yihnüpü lakhi I kheak yihkihjih. Inü thiyusheak-atsü müthsangyuthsangrasho I are!

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

JIHUSUA 19:46

Mejarkon, Rakkon, tüsho Joppa mühi lomi.