JONA 1:14 - AMÜSÜH HÜM CL Bible (BSI)

¹⁴ Judüki arünü Atungpuh ki zhi, “ O Atungpuh , muzhobah ha mihtsürü rhangdung dünkheak isa düsheshih. Amülim mülarü mihtsürü laksahkhi thsungkheak isa ki mah dükhap, tümüde O Atungpuh , nünü amulongkhi nangde nünü rhimodo.”

JONA 1:14 Iomraidhean Croise

THRÜNTAN 9:6

Shepünü mihtsürü thiyih bukbanü, mihtsürünü api thiyih bukshihbah; tümüde Thrünpuh kiphahkhi ching mihtsürü ju thrün.

MUNGSHIKHÜN 107:28

Judüki arünü arü küpkhuk ching Atungpuh ki zhi, tüsho apinü arü lümthsünübo chingnü bekhit.

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

MUNGSHIKHÜN 135:6

Atungpuhnü tümüpürü mulongchonü apinü rhimochoh, yinmi tüsho alomi ching, ketobo tüsho asük dangpungbo alala ching.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

JONA 1:13

Judüalalashe mihtsürübonü sangkung ju alo lim belodarüpü müküpde be, tüshe arünü mukuk, tümüde keto ju arü azhihde alübe alübe tode kam.

JONA 1:16

Judüki mihtsürübonü alü Atungpuh trede kam, tüsho arünü Atungpuh kilim laksah-a kingaünkhi jih tüsho thiyuchihchimbo thsü.

JONA 1:5

Judüki sangkung berübo müyinnimde kam, tüsho mihbüm abannü nihbuh thrünpuh ki zhi. Arünü sangkung ching lakhi kukrukbo arü thsungkheaknü hiphipde akamshihpü keto ching bah. Judüchoki, Jona a sangkung damkhi kheak yüzahnü yapsherakraka lakheah.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

MATHI 11:26

Am, Abuh ha nü miki atsü lakheah.

YUNIRÜBO RHIMO 28:4

Jumonü küyimki kekunglorünü phuruto akhah kheak zhinkhia ngükhea, arü khülangnü khülang ki thaachih, “Ha mihtsürü mihlaksahrü ah, api keto chingnü tsokhita lalashe thiyuronü api alapü mümülü.”

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

YUZÜNGTHALO 21:8

O Atungpuh nünü rhokhitkhi nü mihtsürü Israel ki neak bahjang, tüsho amülim mükihkhi mihtsürü thiyih bukkhi amülim nü mihtsürü Israel bolung dülashih; tüshe thiyih bukkhi amülim arü ki neak bahjang.’