JOHAN 9:39 - AMÜSÜH HÜM CL Bible (BSI)

³⁹ Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”

JOHAN 9:39 Iomraidhean Croise

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 44:18

Arünü mümükheah, yungsho arünü manikhit; tümüde arü mükji tuka lah, junangde arünü müngükhuk, tüsho arü lümkhibo she ah, junangde arünü manikhit.

ISAIA 6:9

Tüsho apinü tha, “ Yüang tüsho mihtsürübo ki ha thaang: Anibah, tüshe manikhit; akheahbah, tüshe mümükheah.

EZEKIEL 12:2

Mihtsürü tsührü, nü azhih mihtsürü bolung lachoh. Arübo angüpü mükbo lah tüshe müngü tüsho asopü nükhünbo lah tüshe muso, tümüde arübo azhih mihtsürü ah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

MATHI 6:23

Tüshe nü mük mütsüsho, nü pang alala amitingnü mide alabah. Jumonü nü kheak lakhi tsün ju amiting a sho, amiting ju küdükhüh ato laba!

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

LUKNÜ ATHRÜTKHI THIYUSHEAK-ATSÜ HUHTANYU 13:30

Tüsho ju ching ashurü ju akhuhrü, tüsho akhuhrü ju ashurü kampü lah.”

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 7:21

Ju kim ching apinü tukthsürübo ahihdo, arümbo, amünean mebo thsüngu, tüsho müktukrü ahihdo ngüde kamshih.

JOHAN 12:31

Kheakü ha lomi mahkhapkhi lah; kheakü ha lomi yakzanshuhrü yankhitbah.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 3:17

Tümüde Thrünpuhnü alomiküp bahyukshihpü atsührü arüshihkhi yung, tüshe api hode alomiküp khümkhitpü thsungkheak ah.

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:15

Nüsanü shih limnü mahkhapchoh; inü a sheshe mahmükhap.

JOHAN 9:25

Apinü alo, “Api aneakrü a shi yungnü inü mümükheah. Inü amükheahkhi khülang ju: I mük tuka lakheah tüshe kheaküa inü ngüchoh.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.