JOHAN 9:38 - AMÜSÜH HÜM CL Bible (BSI)

³⁸ Judüki apinü tha, “Atungpuh, inü kinchoh!” Tüsho anihbuhnü api kingaün.

JOHAN 9:38 Iomraidhean Croise

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

MATHI 14:33

Judüki sangkung ching larübo arü tüsho api kingaünde tha, “Tsükjide nü a Thrünpuh tsührü ah.”

MATHI 28:17

Tüsho küyimki arünü api ngükhea, arünü api kingaün; tüshe khürünü lümshangmang.

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MATHI 8:2

Judüki aphamrü mihtsürü khülang arü tüsho api miki khukningbah tha, “Atungpuh, nünü mulongsho I müsühkhitjang.”

LUKNÜ ATHRÜTKHI THIYUSHEAK-ATSÜ HUHTANYU 24:52

Arünü api kingaün tüsho asühachihde Jirusalem lim alodarü;

JOHAN 20:28

Tüsho Thomanü api ki tha, “I Tungpuh tüsho I Thrünpuh!”

JOHAN 9:39

Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”