JOHAN 9:24 - AMÜSÜH HÜM CL Bible (BSI)

²⁴ Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

JOHAN 9:24 Iomraidhean Croise

EZRA 10:11

Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

MARK 15:27

Arünü api lung jangkhijangrarü mahne she khülang tsülim tüsho khülang ju huzulim de yümkih.

LUKNÜ ATHRÜTKHI THIYUSHEAK-ATSÜ HUHTANYU 15:2

Tüsho Pharisirü le yakzan thsangyurübonü neangneangde tha, “Ha mihtsürünü aneakrübo leangkhichoh tüsho arü lung yimtsühchoh.”

LUKNÜ ATHRÜTKHI THIYUSHEAK-ATSÜ HUHTANYU 19:7

Tüshe küyimki arünü ju ngükheanü neangneangde tha, “Aneakrü mihtsürü khülang lung hanrü thsüpü api yüdo.”

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

JOHAN 14:30

Kheaküa inü nüsa lung masukachih, tümüde ha lomi yakzanshuhrü arüchoh, tüsho api ju I ki tümü müla.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 18:30

Arünü api ki alo, “Api amütsü rhimorü yungkhülaa isanü api nü kilim müjih.”

JOHAN 19:6

Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.”

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

JOHAN 8:46

Nüsa shepünü neak dünkheak I ki mütsanmükhi jihkhukba? Tüsho inü thiyuro thasho, tümüde nüsanü I mükin le?

JOHAN 8:49

Jisunü alo, “I a amünean me müla; tüshe inü I Buh wüntre jihchoh, tüsho nüsanü I wüntre müjih.

JOHAN 9:16

Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.

JOHAN 9:25

Apinü alo, “Api aneakrü a shi yungnü inü mümükheah. Inü amükheahkhi khülang ju: I mük tuka lakheah tüshe kheaküa inü ngüchoh.”

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.