JOHAN 8:9 - AMÜSÜH HÜM CL Bible (BSI)

⁹ Judüki sherünü ju sokheanü, arü küdah thsüde lümkhiungbah azopünü akhuhbah khülang khülangnü tsoabah. Alibe ju ching zhipde Jisu zangrü aning.

JOHAN 8:9 Iomraidhean Croise

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 2:44

Kiulongthsüpuhnü Shimei ki thalo, “Nünü I buh David kheak amütsü rhimokhi alala nü mulong chingnü mükheahlah; jumonü Atungpuhnü amütsü rhimo nü ku kheak hanlodarübah.

JOB HU H T ANYU 20:27

Yinmibonü api mülimkhibo lahkhitbah, tüsho alominü api azhihde wusubah.

JOB HU H T ANYU 20:5

mihbukmuyuk asühpü khihlah, tüsho Thrünpuh mümükheahrü asühachihpü kim anükhüh lang ah?

MUNGSHIKHÜN 40:14

I rhangdung lupü yimrü alala achih ngüshang, tüsho yingyingde kamshang; I thsümünimpü künrü mungchih ngüde rholoshang.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

MUNGSHIKHÜN 71:13

I mulomülaprü achih ngüshang tüsho dükheakshang; I yuripü yimrü achih tüsho mungchih ngüshang.

T H S AN GYU T H S AN GR ARÜ 7:22

nünü ahihdo ki mührü athrukhi nü mulongnü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 13:17

Küyimki apinü harü thakhea, api azhihrü alala achih ngüabah; tüsho apinü müretah rhimokhi alala dünkheaknü boto alalanü asühachih.

JOHAN 8:10

Jisunü abinkih-a kheahbah alibe ki tha, “Alibe, nü amülim jihrübo küching la? Shenü she nü mübahyuk de?”

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

JOHAN 8:3

Judüki yakzan thsangyurü le Pharisirünü müzammüramberü khülang api ki bedarü. Tüsho küyimki arü miki api zhipshihkhea,

JOHAN 8:8

Tüsho kheaküshe apinü mükhümbah alo kheak thrüt.

ROMRÜ KILIM PAULNÜ ATHRÜTKHI KIHÜM HUHTANYU 2:15

Arü mulong ching yakzan thrüta lakhi rhimonü ahuhkhi arü lümkhinü thiyumütsan thsüchoh, tüsho arü dükeak ching arü lümkhinü amülim jihchoh yungsho amülim bahachihchoh.

ROMRÜ KILIM PAULNÜ ATHRÜTKHI KIHÜM HUHTANYU 2:22

Mihtsürünü müzammüram müyihbeakbeah de nünü thabah, nünü müzammüram yihbeakcho shi? Nünü sangthsü thraneanchosho, arüngyam jangkhicho shi?

1 JOHAN 3:20

Küyimki isa mulongnü isa bahyukbanü, Thrünpuh ju isa mulong kheaknü atobe ah de isanü mükheahchoh, tüsho apinü lüpdükhi mükheahlah.