JOHAN 8:6 - AMÜSÜH HÜM CL Bible (BSI)

⁶ Ha arünü tümükhüh amülim jihpü api rükakide athakheah. Tüshe Jisunü amusokhi nangde mükhümbah ayingkhingnü alo kheak thrüt.

JOHAN 8:6 Iomraidhean Croise

THRÜNTAN 49:9

Juda a kekhüzü nunu nangde lah; I tsah-a, nü shih limnü alode arüdo. Kekhüzü nangde apinü züngzhichoh tüsho yapchoh, kekhüzü dreto nangde–shepünü api yihmusukhukba?

MUNGSHIKHÜN 39:1

Inü tha, “Inü arhimopü lakhi akümkangbah tüsho I mulonü neak müyihbeakshih; mihbukmuyukrü I miki lachoki inü tümü she mütha.”

MÜCHITMUDU 26:17

Atsahhorü shepünü rukachihkhi ching alunglungnü arahrungde yüchonü khürünü khinu anuku kheaknü rama lukhi nangde lah.

T H S AN GYU T H S AN GR ARÜ 3:7

arukrüppü kim khülang, tüsho athürepü kim khülang; zhikde alapü kim khülang, tüsho athapü kim khülang;

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

DANIEL 5:5

Zukleangnü mihtsürü yingkhingbo akhiuk tüsho kiulongthsüpuh yam rhü lüpkhi kheak tsünpung dubopung ki thrütpü tankih. Thrütde alachoki kiulongthsüpuhnü khah ju kheahde alakheah.

AMOS 5:10

Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

AMOS 5:13

Jumonü rük larünü a hadürü kim ching malanchoh; tümüde ha amütsü kim khülang ah.

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 15:23

Tüshe apinü alibe ki thiyu bümkhüh she malo. Tüsho ajingyanrübo arübah api ki tha, “Alibe tsoshang, tümüde anihbenü isa dunglim zhichoh.”

MATHI 16:1

Judüki Pharisirü le Sadukirübo arü tüsho yinmi chingnü amütsan khülang arü ki huhang de api rükde keo.

MATHI 19:3

Pharisirü she api ki arübah rükakide keo, “Mihtsürü khülangnü amütsan khürü dünkheaknü nihbuh niuberü bahpü yakzan la de?”

MATHI 22:18

Tüshe Jisunü arü lümkhi amütsü mükheahbah tha, “Nüsa yiuhkhaprübo, tümüde nüsanü rükakicho?

MATHI 22:35

Tüsho arü bolung mahkhaprü khülangnü api ki rükakide keokhi,

MATHI 26:63

Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MARK 10:2

Pharisirübo arü tüsho api rükakide keo, “Mihtsürü khülangnü nihbuh niuberü bahpü yakzan la de?”

MARK 12:15

Isanü ajihba shi müjihbea?” Tüshe apinü arü yiuhkhapkhi mükheahde arü ki tha, “Tümüde nüsanü I rükakicho? I kilim adholi 1 lubah arang, tüsho inü ju kheahanü.”

MARK 3:2

Tüsho arünü api amülim jihpü thsüde apinü Amuni anihbuh thsünguba shi yungnü api kheahmüripde alakheah.

MARK 8:11

Tüsho Pharisirünü arübah api ki atsangachihpü tankih. Api rükakide yinmi chingnü amütsan khülang kheang.

LUKNÜ ATHRÜTKHI THIYUSHEAK-ATSÜ HUHTANYU 10:25

Tüsho kheahang, mahkhaprü khülangnü zhipbah api rükakide tha, “Thsangyurü, akheam müla rhangdung yamrüplurüp lupü inü tümü rhimobea? ”

LUKNÜ ATHRÜTKHI THIYUSHEAK-ATSÜ HUHTANYU 11:16

Tüsho püpürünü api rükakide yinmi chingnü amütsan khülang kheang.

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

1 KORINT 10:9

Arü khürünü rhimobah phurutonü arü mukiusahkhi nangde isanü Atungpuh rükmakibeah;