JOHAN 8:51 - AMÜSÜH HÜM CL Bible (BSI)

⁵¹ Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:51 Iomraidhean Croise

MUNGSHIKHÜN 89:48

Tümü mihtsürünü ashepü müngüde lakhukla? Apinü kiuyuk wu chingnü nihbuh rhangdung bekhitkhukla de?

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

LUKNÜ ATHRÜTKHI THIYUSHEAK-ATSÜ HUHTANYU 2:26

Junangde apinü Atungpuhnü alokhikhi Messia arükhi müngüyikia ashepü müngü de Amüsüh Menü api ki akhiuka huh.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 17:6

“Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 6:50

Ha yinmi chingnü akikhi yikhap, junangde khürünü ju tsühbah tüsho müshe.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

IBRI 11:5

Akin hode apinü ashekhi müngüde Enok bekih-a lu; tüsho api müngü, tümütüsho Thrünpuhnü api bea lu. Api bea muluyichoki api ju Thrünpuh asühshihrü khede alakheah.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.