JOHAN 8:33 - AMÜSÜH HÜM CL Bible (BSI)

³³ Arünü api ki alo, “Isa Abraham tsühsoniusobo ah, tüsho she bukkhüp laamükheah. ‘Nüsa zuzu kamshihbah,’ de nünü küde thacho?”

JOHAN 8:33 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

EZRA 9:9

Isa azhorü lakheah, tüshe nünü isa azhorü kuhi ching muzojih. Nünü Persia kiulongthsüpuh ki isa muzhode kamshih tüsho isa thsüphuloshihpü, thsümünima lakhi nü arüngyam thsüloshihpü mülüjih tüsho Juda le Jirusalem ching isa kümshihpü mihmuzho jih.

LEVI 25:42

Tümüde arübo I yamlarübo, inü Ijip lomi chingnü abekhitkheah, arü azhorü nangde ayinpü mukuk.

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

JOHAN 19:25

Kheakü Jisu sangkim ki abe, abe niurü Klopa niube Mari, tüsho Mari Magdalen lakheah.

JOHAN 8:37

Nüsa ju Abraham tsühsoniusobo ah de inü mükheahlah, tüshe nüsanü I laksahpü yimchoh, tümütüsho inü thsangyukhi nüsanü müleangkhi.

JOHAN 8:39

Arünü alo tüsho api ki tha, “Abraham ju isa abuh ah.” Jisunü arü ki tha, “Nüsa Abraham tsührübo a sho nüsanü Abraham rhimobo thsübeah.

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

ROMRÜ KILIM PAULNÜ ATHRÜTKHI KIHÜM HUHTANYU 9:7

tüsho api tsühsoniuso thsümonü alala Abraham tsührü yung; tüshe Isak hode nüsa tsühsoniusobo mung jibah.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.