JOHAN 8:29 - AMÜSÜH HÜM CL Bible (BSI)

²⁹ Tüshe shepünü I thiyikheanü I lung lah. Abuhnü I langzü muzojih, tümüde kamruhroro apinü amulongkhi inü rhimochoh.”

JOHAN 8:29 Iomraidhean Croise

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 3:15

Tüshe Jisunü api ki alo, “Kheakü judü lang thsang; tümüde thiyuro-lungki alala dünjipü thsüde isa thsungkheaknü ha rhimopü alim lah.” Jumonü Johannü he de ani.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 16:32

Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

JOHAN 17:4

Inü alomi ching nü müretahdo. Nünü I kilim rhimopü jihkhi rhimo bando.

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

JOHAN 8:16

Tüshe inü mahkhapsho, I mahkhapkhi ju thiyuro; tümüde I langzü yung, tüshe I thiyibuh I Buh lung I lah.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

2 TIMOTHI 4:22

Atungpuh nü me lung lashang. Nü lung amüthsüm laang.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.