JOHAN 8:28 - AMÜSÜH HÜM CL Bible (BSI)

²⁸ Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

JOHAN 8:28 Iomraidhean Croise

ABEKHIT 3:14

Thrünpuhnü Mosa ki tha, “I JU I AH . Nünü arü ki hade thaang, ‘I AH de athabuhnü I nüsa kilim arüshihkheah.’ ”

MATHI 24:5

Tümüde ahihkhühnü I mung chingnü, ‘I Khrista’ de thade arübah tüsho ahihkhüh mülapyukbah.

MARK 13:6

Tümüde ahihkhühnü I mung chingnü thade arübah, ‘I api ah,’ tüsho ahihkhüh mülapyukbah.

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

JOHAN 11:42

Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.”

JOHAN 13:19

Ju müdünjiyide inü nüsa ki thachoh, junangde küyimki ju dünjibanü, I api ah de nüsanü amükheahbah.

JOHAN 16:10

thiyuro-lungki dünkheak, tümütüsho I Buh kilim I ayübah tüsho nüsanü I müngülo;

JOHAN 18:32

junangde Jisunü api künangde ashebeanü amütsan thsüde athakhi dünjipü lakheah.

JOHAN 19:18

ju ching arünü api yümkih, tüsho api lung püpürü mahne, Jisu aphulung thsübah thrip aban yümkih.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:14

Tüsho Mosanü sunglo ching phuruto shuhkihkhi nangde, Mihtsürü Tsührü she ashuhkihbah,

JOHAN 4:26

Jisunü api ki tha, “I shepü nü ki asukchonü api ah.”

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

JOHAN 8:24

Jumonü nüsa neakbo ching nüsa shebah de inü nüsa ki thakheah; tümütüsho I api ah de nüsanü mükinsho, nüsa neakbo ching nüsa shebah.”

JOHAN 8:27

Apinü arü ki Abuh dünkheak thakheah de arünü manikhit.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

ROMRÜ KILIM PAULNÜ ATHRÜTKHI KIHÜM HUHTANYU 1:4

amüsühkhitkhi Me ayannü ashe chingnü arhang kamlode, wulade Thrünpuh tsührü de akhipkhitkhi,

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.