JOHAN 8:18 - AMÜSÜH HÜM CL Bible (BSI)

¹⁸ I küdah thsüde thiyumütsan thsübuh ju I ah, tüsho I thiyibuh I Buhnü I thiyumütsan thsüchoh.”

JOHAN 8:18 Iomraidhean Croise

WÜHKHE 35:30

Shepünü mihtsürü laksahbanü, thiyumütsan jihrübo hode mihtsürü laksahbuh ju asheshihbah; tüshe thiyumütsan jihrü khülang hodü langa she müsheshih.

JOHAN 10:11

I namfimihnu neakrü atsü ah. Namfimihnu neakrü atsünü namfimihnubo thsungkheak api rhangdung jihchoh.

JOHAN 10:14

I namfimihnu neakrü atsü; inü I yo namfimihnubo mükheahlah, tüsho arünü I mükheahlah.

JOHAN 10:30

I tüsho I Buh khülang ah.”

JOHAN 10:9

I ripit ah. Khürünü I hode yüzahsho, api khümkhitbah, tüsho yüzahla akhiukla de rimlopung ngübah.

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:25

Judüki arünü api ki tha, “Nü she a?” Tüsho Jisunü alo, “Atankih chingnü inü nüsa ki tümü thakheanü ju ah.

JOHAN 8:38

Inü I Buh kheak tümü ngüdünü ju thachoh, tüsho nüsanü nüsa abuh kheak tümü ngüdünü ju rhimochoh.”

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.