JOHAN 8:17 - AMÜSÜH HÜM CL Bible (BSI)

¹⁷ Mihtsürü mahne thiyumütsan ju thiyuro ah de nüsa yakzan ching she thrüta lah.

JOHAN 8:17 Iomraidhean Croise

1 KIULONG THSÜRÜ 21:10

api mikhuh mihtsürü mahne binshang, tüsho api azhihde thashang, ‘Nünü Thrünpuh tüsho Kiulongthsüpuh athrudo.’ Judüki api bekhitang, tüsho api rusahang.”

WÜHKHE 35:30

Shepünü mihtsürü laksahbanü, thiyumütsan jihrübo hode mihtsürü laksahbuh ju asheshihbah; tüshe thiyumütsan jihrü khülang hodü langa she müsheshih.

MATHI 18:16

Tüshe apinü manisho, nü lung püpürü khülang yungsho mahne beang, junangde mahne yungsho mahsam thiyumütsan hode lüpdükhi mütsanmükhibah.

JOHAN 10:34

Jisunü arü ki thalo, “Nüsa thrünpuhbo ah de Thrünpuhnü athakhi nüsa yakzan ching thrüta müla de?

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

2 KORINT 13:1

I ha mahsam kipü nüsa kilim arüchoh. “Mahne yungsho mahsam thiyumütsan hode lüpdükhi mütsanmükhibeah.”

GALATIA 3:24

Jumonü akin hode alim kampü thsüde Khrista marüyi khiungde yakzan ju isa thorü lakheah.

GALATIA 4:21

Nüsa sherünü yakzan bukkhüp lanechonü I ki thaang, nüsanü yakzan musocho de?

YUZÜNGTHALO 17:6

Shepü ashepü thülünlanü mahne yungsho mahsamnü thiyumütsan jihkhi hode asheshihbah tüshe thiyumütsan khülang hodünü a api müsheshih.

YUZÜNGTHALO 19:15

“Mihtsürü khülangnü amülim rhimokhi yungsho neak yihbeakkhi dünkheak thiyumütsan khülangnü a api azhihde muwusu; thiyumütsan mahne yungsho mahsam hodü lang judürü dünkheak khikzhak thsübah.

IBRI 10:28

Mihtsürü shepünü Mosa yakzan thsümünimkheanü, mahne yungsho mahsam thiyumütsan hode mihmuzho mülade sheshihdo.

1 JOHAN 5:9

Isanü mihtsürü thiyumütsan leangkhichoh, tüshe Thrünpuh thiyumütsan atobe ah tümütüsho apinü atsührü dünkheak jihkhi Thrünpuh thiyumütsan ah.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”