JOHAN 8:16 - AMÜSÜH HÜM CL Bible (BSI)

¹⁶ Tüshe inü mahkhapsho, I mahkhapkhi ju thiyuro; tümüde I langzü yung, tüshe I thiyibuh I Buh lung I lah.

JOHAN 8:16 Iomraidhean Croise

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

JOHAN 16:32

Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

JOHAN 8:29

Tüshe shepünü I thiyikheanü I lung lah. Abuhnü I langzü muzojih, tümüde kamruhroro apinü amulongkhi inü rhimochoh.”

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”