JOHAN 8:15 - AMÜSÜH HÜM CL Bible (BSI)

¹⁵ Nüsanü shih limnü mahkhapchoh; inü a sheshe mahmükhap.

JOHAN 8:15 Iomraidhean Croise

AMOS 5:7

Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.

LUKNÜ ATHRÜTKHI THIYUSHEAK-ATSÜ HUHTANYU 12:14

Jisunü alo, “Mihtsürü, shepünü I nüke kurungkheak mahkhaprü yungsho achamjihrü kamshihkhea?”

JOHAN 12:47

Tüsho khürünü I yubo sobah I mükinsho, inü api mahmükhapchoh; tümüde I alomi mahkhappü yung tüshe alomi khümkhitpü arükheah.

JOHAN 18:36

Jisunü alo, “I kiulongthsü ju ha lomi yo yung. I kiulongthsü ju ha lomi yo thsükhülaa, I jingyanrübonü keochihbah, junangde I Jihudarü kilim müjih; tüshe I kiulongthsü ju ha chingnü yung.”

JOHAN 3:17

Tümüde Thrünpuhnü alomiküp bahyukshihpü atsührü arüshihkhi yung, tüshe api hode alomiküp khümkhitpü thsungkheak ah.

JOHAN 7:24

Amikheaknü mahdükhap, tüshe thiyuro-lungkinü mahkhapang.”

JOHAN 8:11

Alibenü alo, “Atobuh, shenü she mübahyuk.” Tüsho Jisunü alibe ki tha, “Inü she nü mübahyuk; yüang tüsho neak düyihbeaklo.”

ROMRÜ KILIM PAULNÜ ATHRÜTKHI KIHÜM HUHTANYU 2:1

Jumonü, O mihtsürü, nüsa shepünü püpürü kheak mahkhapchonü amudopü müla; tümüde api kheak mahkhapkhinü nü küdah thsüde bahyukchoh, tümütüsho nü, mahkhaprünü ju nangde rhimochoh.

1 KORINT 2:15

Me lakhi mihtsürünü lüpdükhi yukhappü kuklah, tüshe shenü she api yukhappü mukuk.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

JAKOB 2:4

nüsanü nüsa bolung yakkhitchoh yung de, tüsho amütsü lümkhibo bede mahkhaprübo kamchoh yung de?

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”