JOHAN 8:11 - AMÜSÜH HÜM CL Bible (BSI)

¹¹ Alibenü alo, “Atobuh, shenü she mübahyuk.” Tüsho Jisunü alibe ki tha, “Inü she nü mübahyuk; yüang tüsho neak düyihbeaklo.”

JOHAN 8:11 Iomraidhean Croise

JOB HU H T ANYU 34:31

Tümüde khürünü Thrünpuh ki thanah, “Inü thsümüchi arümdo; kheaküa inü amülim müthsülo;

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

LUKNÜ ATHRÜTKHI THIYUSHEAK-ATSÜ HUHTANYU 13:3

Inü nüsa ki thachoh, jude yung; tüshe nüsanü mulong mümüthrisho ju ruk nüsa alala dükheakbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 15:7

Inü nüsa ki thachoh, junangde mulong müthripü yihnüpü mülakhi thiyuro-lungki mihtsürü 99 kheaknü aneakrü mulong müthrikhi 1 kurungkheak yinmi ching alü asühachihkhi labah.

LUKNÜ ATHRÜTKHI THIYUSHEAK-ATSÜ HUHTANYU 5:32

amüsührübo yung, tüshe mulong müthrishihpü aneakrübo jipü I arükheah.”

LUKNÜ ATHRÜTKHI THIYUSHEAK-ATSÜ HUHTANYU 9:56

Tüsho arünü kiulong püpü ching yü.

JOHAN 18:36

Jisunü alo, “I kiulongthsü ju ha lomi yo yung. I kiulongthsü ju ha lomi yo thsükhülaa, I jingyanrübonü keochihbah, junangde I Jihudarü kilim müjih; tüshe I kiulongthsü ju ha chingnü yung.”

JOHAN 3:17

Tümüde Thrünpuhnü alomiküp bahyukshihpü atsührü arüshihkhi yung, tüshe api hode alomiküp khümkhitpü thsungkheak ah.

JOHAN 5:14

Ju dunglim Jisunü arüngyam ching api ngü, tüsho tha, “Kheahang, nü tsüde kamdo, neak düyihbeaklo, jude yungsho amütsübe nü kheak arübah.”

JOHAN 8:15

Nüsanü shih limnü mahkhapchoh; inü a sheshe mahmükhap.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

1 KORINT 5:12

Tümütüsho aleangkheakrü thiyukhapkhi ching inü küde athsüjihpü? Nüsanü thiyukhappü larü ju borü ching yung de?

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.

YUZÜNGTHALO 17:9

tüsho nüsanü ju Levirü amükeamrü tüsho ju kim ching rhimoyam ching lakhi mahkhaprü ki keokhiang, tüsho arünü ju dünkheak mahkhapshang.

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.