JOHAN 7:52 - AMÜSÜH HÜM CL Bible (BSI)

⁵² Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

JOHAN 7:52 Iomraidhean Croise

THRÜNTAN 19:9

Tüsho arünü tha, “Isa limro chingnü akhinang.” Arünü tha, “Habuh tsotsahde arü, tüsho apinü mahkhaprü thsüchoh; kheakü isanü arü kheaknü api ki amütsübe rhimobah.” Jumonü arünü Lot kheak müküpde nimkih, tüsho khimdopü thsümünimpü thüninde arü.

1 KIULONG THSÜRÜ 22:24

Judüki Kenaana tsührü Zedekianü Mikaia kilim atubah, api müchip kheak dam tüsho tha, “Nü ki thapü Atungpuh me küpü limronü I hokhea?”

ABEKHIT 2:14

Mihtsürü junü alo, “Shepünü nü isa kurungkheak yakzanshuhrü tüsho mahkhaprü kamshihkhea? Nünü Ijipbuh laksahkhi ruk thsü I she alaksahpü lümcho de?” Judüki Mosanü tre tüsho lüm, “Inü arhimokhi mükheahabahdo.”

JOHAN 1:46

Nathanaelnü api ki tha, “Nazareth chingnü tümükhüh atsü akhiukkhukba de?” Philipnü api ki tha, “Arübah kheahang.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

JOHAN 7:41

Püpürünü tha, “Ha Khrista ah,” tüshe khürünü tha, “Galilee chingnü Khrista arüba de?

JOHAN 7:53

Tüsho mihbüm abannü nihbuh yam lim yü.

JOHAN 9:34

Arünü api ki tha, “Nü a neak chingnü zübemusukheah, tüsho nünü isa thsangyucho de?” Tüsho arünü api yankhitabah.